Hamarkada bat daramagu tunelak ikuskatzeko erakunde izaten

Joan den otsailean, TECNALIAri esleitu zion Bizkaiko Foru Aldundiak (BFA) Bizkaiko errepide-sareko Tunelak Ikuskatzeko Organismoa (BTIO) ikuskatzeko eta hari aholkularitza-zerbitzua emateko kontratua; 2008tik etenik gabe eman du zerbitzu hori TECNALIAk, sektore horretako beste enpresa gailen batzuekin batera, hala nola SENER, Valentziako Unibertsitateko LISITT eta TEKIA.

Erabiltzaileen segurtasuna hartu du ardatz BIZKAIKO FORU ALDUNDIAK, eta tunelak eraikiz, errepide-sarea seguruagoa izatea lortu du eta Bizkaiko orografia salbatu du, ingurumen-inpaktu txikiagoa eragiten baitute.

Errepideetako tunelek segurtasun-instalazio sofistikatuak izaten dituzte, tunelak egoki kudeatzen direla bermatzeko, bai egoera normalean bai larrialdietan. Helburu horiek lortzeko, azken belaunaldiko teknologiak ezarri dira tuneletan, eta, hala, gaur egun merkatuak eskaintzen dituen soluzio berrietara egokitu dira.

Argiteriaren teknologia LEDekin ordezkatuz, aireztapen-algoritmoak eta larrialdi-plan automatizatuak txertatuz eta garraio-sistema adimendun (ITS) berriak ezarriz, kudeaketa eraginkorragoa eta erantzuna bizkorragoa izatea lortu da zirkulazio-gorabehera orotarako. Instalazio horien funtzionamendua funtsezkoa da, eta etengabe monitorizatzen eta kudeatzen dira kontrol-zentro batetik.

OITB da segurtasunari eragiten dioten sistema horien guztien funtzionamendua zuzena dela egiaztatzeko eta baliozkotzeko ardura duen erakundea, eta, horretarako, irekiera-ikuskapenak eta obra zibilen, ekipamenduen eta kudeaketaren aldizkako ikuskapenak egiten ditu.

Bizkaiko tuneletan segurtasunari dagozkion lege-eskakizunak betetzen direla bermatzen dute Tunelen Ikuskaritza Organismoak (BTIO) egiten dituen ebaluazioek, probek, saiakuntzek eta ikuskapenek.

Harremanetarako: 

Verónica Santurde
veronica.santurde@tecnalia.com
Oficina de Proyectos

División Lab_services
TECNALIA