Zibersegurtasunaren eta kate-blokeen arduraduna
Zibersegurtasuna
Gure teknologiek informazioaren konfidentzialtasuna eta osotasuna bermatzen dute, eta areagotu egiten dute produktuen, zerbitzuen eta azpiegituren erresilientzia.
Gure teknologiei esker, bezeroen produktuen eta zerbitzuen segurtasuna, pribatutasuna eta konfiantza hobetzen ditugu diseinu-fasetik hasita, haien erresilientzia areagotuz eta estandar industrialak betetzen lagunduz.
Horretarako, informazioaren segurtasuna bermatzen duten protokolo kriptografikoak diseinatzen ditugu, bai eta sistema industrialetan mehatxuak eta anomaliak kontrolatzeko, monitorizatzeko eta detektatzeko tresnak ere.
Gure esperientziak sistemen, prozesuen eta zerbitzuen erresilientzia handitzeko aukera ematen digu. Horretarako, fabrikatzaileekin eta integratzaileekin jarduten dugu lankidetzan haien produktu eta sistemak diseinatzen eta garatzen, bai eta prozesuen segurtasuna eta informazioaren konfidentzialtasuna areagotu nahi duten operadoreekin ere.
Zibersegurtasunerako eta bloke-kateetarako funtsezko teknologiak:
- Segurtasuna eta pribatutasuna diseinutik hasita: produktu eta zerbitzu seguruak diseinatzen laguntzen dugu, teknologiak, arkitektura eta prozesuak konbinatuz.
- Kate-blokeak eta erregistro banatuko teknologiak (DLT): gobernantza deszentralizatzea ahalbidetzen duten ekosistema fidagarriak.
- Babes eta kontrol industriala: sistema industrialetako mehatxuak eta anomaliak monitorizatzeko eta detektatzeko tresnak.
- Kriptografia eta datuaren subiranotasuna: informazioa segurtasunez ustiatzeko protokolo kriptografiko berriak; haiei esker, hirugarrenek datuak trukatzea, partekatzea eta prozesatzea lortuko da, segurtasuna eta konfidentzialtasuna arriskuan ipini gabe.
- Ziurtapena eta adostasuna: industria-zibersegurtasunaren arauekiko adostasuna ebaluatzea, bai eta sistema eta prozesuak ziurtatzea ere.
Blockchain laborategiari esker, arrakasta-kasuak ezagut daitezke, esperimentatu, eta soluzio teknologikoen eta negozio-ereduen saiakuntzak egin, ondoren abian jartzeko.
Cyber-rangeetarako laborategia ingurune birtual bat da, langileak entrenatzeko eta ikerketa egiteko eta zibersegurtasuneko teknologia berriak garatzeko eta baliozkotzeko.
Ibilgailu autonomoen zibersegurtasun-laborategiari esker, ibilgailuen komunikazioetan zer eraso-puntu izan daitezkeen azter daitezke eta murriztu.
Sare adimendunetako zibersegurtasun-laborategiari esker, IEDek dituzten zibersegurtasun-ahalmen berriak instala eta egiazta daitezke.
Kanpo-aliatuak
Gaiarekin loturiko katalogoa
Sartu zientzia-dibulgazio, produktu, zerbitzu eta teknologia katalogoetan. Gure helburu nagusia ezagutza zientifikoa berrikuntza eta eragin ekonomiko eta soziala sortzen duten irtenbide teknologiko bihurtzea da.
Zibersegurtasunaren eta bloke-kateen katalogoa (gaztelaniaz)
Deskargatu PDFaAktibo teknologiko
Inbertsio-aukeren garapena
TRACEBLOCKen bidez, hornidura-kate osoaren gaineko egoeraren ikuspegi bakarra lortzen da, eta jatorri-berme aldaezina eskaintzeko aukera ematen du.
Informazio gehiago