TECNALIAk European Utility Week 2018 (EUW) azokan parte hartuko du aurten ere. Sare elektriko adimendunei buruzko Europako jardunaldi nagusia da, eta han bilduko dira konpainia elektrikoen eta beste zerbitzu batzuen hornitzaileak.
Azokaren lehen edizioa orain dela hamarkada bat baino gehiago egin zen. Hasieran, kontagailu adimendunei buruzkoa zen, eta Metering & Billing Europe zuen izena. Gaur egun, beste alor batzuk lantzen ditu, eta elektrizitatearen banaketako agente nagusiak biltzen ditu. Profesionalen topagunea da EUW azoka, eta sare elektriko adimendunen inguruko azken aplikazioei buruzko ezagutza trukatzeko foroa ere bai.
Aurtengo edizioan ere, elkarreragingarritasuna bermatzeko produktuak ziurtatzeari eta sarea digitalizatzeko soluzioen garapenari buruzko gure azken berrikuntzak erakutsiko ditugu.
Kontagailu adimendunen aliantza nagusien laborategi ofiziala denez, TECNALIAk hauek aurkeztuko ditu:
- DLMS Functionality Testing Tool tresna, zeinak Saudi Arabiarako, Libanorako, Erresuma Baturako eta beste herrialde batzuetarako aplikazio berriak baititu.
- NOISEEK aplikazioa: PLC komunikazioei erasaten dieten zarata elektrikoak monitorizatzeko eta analizatzeko aplikazio berria, zeinaren bitartez elektrizitate-konpainiei asko murriztuko baitzaie PLC komunikazioetako arazoak konpontzeko behar duten denbora (egunak behar izatetik minututan egitera).
- IEC 61850 egiaztagirirako zerbitzu berriak.
Etorkizunerako ditugun asmoetan, proiektu hauek ezagutzeko aukera izango duzue:
- Sorkuntza banatua, metaketa eta ibilgailu elektrikoak sarean integratzea
- Mikrosareak energia-sarearen mendekoak ez diren aplikazioetarako eta konektatuak daudenetarako.
- Zenbait egoera eta erabilera-aukeretarako metaketa-sistemen ezaugarriak eta neurriak finkatzea.
- Behe-tentsioko eta erdi-tentsioko sare bat monitorizatzea eta ikuskatzea
- Sareen funtzionamendurako eta kudeaketarako datu-analisia
- Sare elektriko adimendunen komunikazioa, datu-ereduak eta protokoloak
- Zibersegurtasuna
- Eskaeraren kudeaketa aktiboa
Bisitatu gaitzazu AC30 standean, eta ikusi zertan lagundu diezazukegun.
EUW azokan, Vienan, espero zaitugu! Bertatik bertara agurtu nahi zaitugu.
Harremanetarako:ibon.arechalde@tecnalia.com">ibon.arechalde@tecnalia.com
TECNALIAko Digital Lab_serviceseko zuzendaria
Informazio gehiago
TECNALIA en imágenes en la pasada edición EUW 2017, Ámsterdam