Asier Rufino, TECNALIA Ventureseko zuzendaria (TECNALIAko deeptech Venture Builder-a) hizlari izango da hitzaldi magistral batean, eta mahai-inguru bat moderatuko du 2025eko 4YFN ekitaldian.
2025eko martxoaren 3tik 6ra, Bartzelonako Fira Gran Via berrikuntzaren eta ekintzailetzaren epizentroa izango da. 4YFN (Four Years From Now) ekitaldia egingo dute han, startupak sustatzea helburu duen ekitaldi nagusia; izan ere, inbertsio-aukerekin, aholkularitza estrategikoarekin eta ekintzaile ameslarien sare global bat konektatzen ditu.
Aurten, Asier Rufinok, TECNALIA Ventureseko zuzendariak, , bi une garrantzitsutan hartuko du parte, bi modalitate desberdinetan. Lehenik eta behin, hitzaldi magistral batean: University & Spin off Programme: Impact of European Research Hubs in the DeepTech Innovation. Hitzaldi horretan, Europako ikerketa-zentroek berrikuntza sustatzeko eta garapen zientifikoak laborategitik merkatura igarotzea errazteko egiten duten funtsezko lana aztertuko da, Europako TTO Zirkuluaren esparruan Ikerketa Zentro Komunak egindako azterketa batean oinarrituta.
Gainera, mahai-inguru bat moderatuko du, University & Spin off Programme: Lessons from DeepTech Spin Off Leaders, izenekoan; besteak beste, ikerketa akademikoa enpresa-arrakasta bihurtzen duen prozesuari buruzko gai erabakigarriak landuko dira.
Erreferentziazko ekitaldi bat da MWC kongresuaren barruan
Urtero bezala, Mobile World Congressen (MWC) esparruan egingo da 4YFN ekitaldia, konektibitateari buruzko munduko ekitaldirik garrantzitsuenean. Aliantza horri esker, parte-hartzaileek ekosistema paregabe bat dute eskura, non berrikuntza teknologikoak eta startupek bat egiten baitute industriaren etorkizuna birdefinitzeko.
Bat egin iraultza ekintzailearekin
Izen-emateak zabalik daude esperientzia paregabe honetan parte hartu nahi dutenentzat. Ez galdu 4YFN 2025en parte hartzeko eta zure startuparen bilakaeran hurrengo urratsa emateko aukera.
Erregistratu orain, eta ziurtatu berrikuntzaren etorkizunari forma ematen ari zaion ekitaldirako txartela.