Metodologia prediktiboaren erabileran oinarritutako esperientziak
Algoritmo prediktiboen ahalmenak eta aplikazioaren erabilera-kasuak aurkezteko jardunaldi hau, AMETIC elkarteak antolatu du. Jardunaldian, proiektu, produktu eta prozesuen kudeaketa hobetzeko metodologia prediktiboen erabileran oinarritutako esperientziak azalduko dira. Adimen Artifizialaren eta Big Dataren Batzordeko Iragarpen Taldeak garatutako ahalmenak eta teknikak aurkeztuko dira.
- Asier Alonso gure lankideak konformazio-makineriarako kalitate prediktiboko ereduetan oinarritutako zerbitzu digital berriei buruz hitz egingo du.
- Bestalde, adimen artifizialak bultzatutako Big Data Plataforma bat ezagutzeko aukera ere izango dugu. Plataforma hori tren-flotak monitorizatzeko eta zenbait sistematan izan daitezkeen anomaliak goiz detektatzeko diseinatuta dago. Eragiketa-denbora maximizatzea da helburua; flota kudeatzeko soluzio bat da, konformazio-prozesua hobetzeko eta akatsak iragartzeko zuzenketak eta alarmak online eta automatikoki egikaritzeko gai diren ML ereduak garatzeko balio duena, eta eskaria iragartzeko sistema bat ere bada, produkzioaren plangintza hobetzeko, stockak murrizteko eta denborak eta kostuak optimizatzeko balio duena.
- Gainera, desgaitasuna duten pertsonentzako analitika prediktibo pertsonalizatua garatzera bideratutako lehen Data Hubean adimen artifiziala erabiltzen duen alternatiba bat aurkeztuko da, kolektibo batzuek aurre egin behar dieten oztopoak gainditzeko helburuarekin.
Iragarpen-algoritmoen etorkizuna
Jardunaldia "Iragarpen-algoritmoen etorkizuna” mahai-inguruarekin amaituko da.
- Adimen Artifizialaren eta Big Dataren Batzordeko Iragarpen Lantaldeko kide garrantzitsu batzuek hartuko dute parte; besteak beste, Joseba Laka gure lankideak eta José María Armingol Madrilgo Carlos III Unibertsitateko (UC3M) katedradunak.
- Joseba Lakak zuzendari digitalaren kargua du TECNALIAn eta AMETICeko Adimen Artifizialeko eta Big Datako Batzordeko lehendakariordea da.