European Utility Week 2017 Amsterdamen izango da, Herbehereetan, 2017ko urriaren 3tik 5era. Foro horretan elkartzen dira elektrizitate-konpainieta eta bestelako zerbitzu publikoen hornitzaileak, eta hainbat arlo biltzen ditu: kontagailu adimendunak, sare elektriko adimendunak, domotika, hiri adimendunak eta energia berriztagarriak; zerbitzu publikoen europar merkatuko urteroko erreferentzia-ekitaldia da.
Profesionalen arteko topagunea eta azkenaldiko aplikazio adimendunei buruzko ezagutza-trukaketako esparrua da EUW, eta egitarau zabala izaten da harekin batera: hitzaldiak, workshopak, aurkezpen teknikoak eta heziketa-saioak.
Smart Grids Basque Country izenpean stand bateratu baten bidez European Utility Week horretan parte hartzeko prestatzen ari da Energia Klusterra. 100 m2-ko gune batean gauzatuko da parte-hartzea, stand bana dutelarik erakusketari izango diren 6 enpresek: ARTECHE, MERYTRONIC, ORMAZABAL, SUPRA, TECNALIA eta ZIV.
Aurreko urteetan bezala, TECNALIAk bere azken berrikuntzak erakutsiko ditu, produktuen garapen, baliozkotze, egiaztapen eta aholkularitza teknikoaren arloan. Hain zuzen ere, han ezagutu ahalko dira arlo hauetan eskaintzen ditugun zerbitzu guztiak:
- Elektrizitate-sarearen kudeaketa eta eragiketa
- Sare elektriko adimendunen iragarpenezko mantentze-lana
- Energia metatzea
- Errealitate areagotua
- Energia-sistema aurreratuen arkitektura
Gainera, kontagailu adimendunen aliantza nagusien laborategi ofiziala denez, TECNALIAk aurkeztuko ditu:
- DLMS Functionality Testing Tool, aplikazio berriak dakartzala Saudi Arabiarako eta Erresuma Baturako, adibidez.
- NOISEEK, PLC komunikazioak nahasten dituzten zaraten sorburuen detektagailu berria, zeinaren bitartez elektrizitate-konpainiei asko murriztuko baitzaie PLC komunikazioetako arazoak konpontzeko behar den denbora, egunetakoa izatetik minututakoa izatera.
- IEC 61850 egiaztagirirako zerbitzu berriak.
Geure 1K72 standean zuzenean zuri harrera egin ahal izatea espero dugu. Ez ezazu galdu aukera hau!