Material konposatuen alorreko gure garapenak sektoreko munduko liderrekin partekatuko ditugu
Parisko JEC 2025 topaketan, material konposatuen eta haien aplikazioen sektoreko protagonistekin izango gara, berrikuntzarako, negoziorako eta networkingerako giro aproposean. Ekitaldian produktu-merkaturatzeak, sari-banaketak, hitzaldiak eta zuzeneko erakustaldiak egingo dira.
Gure eskaintza multiteknologikoa partekatuko dugu, industriari hainbat irtenbide eskaintzen dizkiona arlo hauetan:
- Arintzea.
- Jasangarritasuna.
- Prozesuak automatizatzea.
- Mugikortasunaren, energiaren eta eraikuntzaren sektoreetarako material konposatuetan funtzionalitate berriak sartzea.
Konpositeak ekoizteko gunea
Geure gunea izango dugu topaketan, eta, han, gure aditu-taldeak ezagutzera emango ditu funtzio anitzeko konposite jasangarriak modu berritzaile, eraginkor, automatizatu eta lehiakorrean fabrikatzeko egindako aurrerapenak.
AEMACek antolatutako gure standa hauekin partekatuko dugu: EURECAT, GAIKER, IDEKO, AIMEN, AITIIP, ZIUR, REINFORCE3D, POLYMEC, TITANIA eta r-LIGHTBIOCOMP ekimena.
