Spaper 2025 azokan egingo den papergintzako 6. foro teknikoan parte hartuko dugu
Papergintzako 6. foro teknikoa, Euskadiko Paperaren Klusterrak antolatua, esperientziak, ikaskuntzak eta erronkak partekatzeko, joera sektorialak aztertzeko eta aukera berriak bilatzeko topaketa bat da.
Jardunaldi honen helburua da papergintzaren munduaren erronkei soluzio tekniko berritzaileak, kontzeptu berriak eta papergintzaren garapen-joerak aurkeztea. Hala, beren esperientziak partekatuko dituzte ekipo-ondasunen, ekipo osagarrien, kontsumigarrien, kontrol- eta neurketa-ekipoen, ingeniaritzen, adimen artifizialaren eta I+G+Baren arloetako adituek. Horretaz gain, jardunaldian papergintza-industriaren arrakasta-kasu inspiratzaileak aurkeztuko dira.
Smart packaging birziklagarri baten osagaiak garatzea
Álvaro Tejadok, TECNALIAko ikertzaile nagusiak, hizpide izango du nola garatu diren haragi freskoa ontziratzeko eta banatzeko smart packaging birziklagarri baten osagaiak, zuraren osagaien potentziala ustiatuz eta baliabideak efizientziaz erabiltzen dituzten prozesuak erabiliz. Soluzio berritzailea da sektorean.
Norentzat da foroa?
Orea eta papera, papergintzako ekipo-ondasunak, ekipo osagarriak eta ingeniaritzak fabrikatzen dituzten enpresetako kudeatzaileentzat, ekoizpen-arduradunentzat edo teknikarientzat da foroa.
Esparrura sartzeko eta foroan parte hartzeko, hemen akredita zaitezke otsailaren 28a baino lehen. Doako gonbidapena sortuko da, Paperaren Klusterrak eskainita.