Pasaporte digitala. Produktu eta prozesu industrialetan duen erabilera praktikoa. Ezinbesteko tresna zure enpresarako.
Pasaporte digitala Europako merkataritza-panorama eraldatzeko zorian dago. Funtsezkoa da ulertzea zenbateko eragina duen Europako jasangarritasunean eta nola aurre egin dakiokeen aldaketa horri. Pasaportea, gainera, ezinbestekoa izango da Europar Batasunean produktuak merkaturatzeko, eta horrek erronka nabarmenak ekarriko ditu enpresentzat, kudeaketari eta egokitzapenari dagokienez. Behar-beharrezko tresna izango da hemendik gutxira; funtsezkoa, Europan jasangarritasun handiagoa lortzeko aldaketarako.
Teknologia digitalak, kudeaketa efizientea eta jasangarritasuna
Bertaratzen direnek ikusiko dute, adituen eskutik, zer inpaktu izango duen beren enpresetan produktu eta prozesuen pasaporte digitalak eta zer neurri hartu behar diren pasaporte digitala inplementatzeko.
- Ikusiko dute teknologia digitalak lagundu dezakeela pasaportea efizientziaz kudeatzen, eguneroko lanetan eraginkortasunez eta erraz integratuz.
- Produktuen eta prozesuen pasaporte digitala ezartzeko proben adibideak azalduko dira, eta bidean ikasitako gauza baliotsuak.
- Jasangarritasuna, erantzukizun sozial korporatiboa eta antzeko funtsezko gaiak ere jorratuko dira, eta nabarmenduko da pasaportea tresna baliagarria izan daitekeela enpresen izen ona hobetzeko eta Europako araudiak betetzeko.
Aldaketak Europako merkataritzan
Jardunaldi hau ezinbestekoa da Europako merkataritzan gertatzen diren aldaketei buruzko informazioa jaso nahi duten eta etorkizunerako modu proaktiboan prestatu nahi duten enpresa ororentzat: makinen eta ekipamendu-ondasunen fabrikatzaileak, fabrikazio-prozesuak dituztenak, birziklatzaileak, etab.
- Prozesu osoan gidari izango ditugun adituak izango dira jardunaldian.
- Pasaporte digitalaren inplementazioaren kasu praktikoak aztertuko ditugu, eta ikusiko dugu pasaporte digitala oso tresna ahaltsua izango dela edozein erakundetarako.