Teknologia kuantikoek zenbait aukera eskaintzen dituzte zibersegurtasunaren arloan, baita konpondu beharreko erronka batzuk ere.
Konputazio kuantikoak eragina izango du kriptografia klasikoan: paradigma aldatzea ekarriko du, eta kriptosistema postkuantiko berrietara igarotzera behartuko gaitu.
Jardunaldi honetan, azalduko dugu non dauden zibersegurtasunarekin eta komunikazio kuantikoekin lotutako aukerak eta erronkak.
Norentzat
Konputazio kuantikoaren oinarriak eta aukerak negozioaren ikuspegitik edo ikuspegi teknologikotik ezagutu nahi dituen eta arlo horretako zibersegurtasunean gaur egun zer joera dauden jakin nahi duen ororentzat.
Hizlariak
- Oscar Lage TECNALIAko Zibersegurtasunaren eta Bloke-katearen arduraduna da, eta konpainia batzuetako aholku-batzordeko kidea. Hizlaria eta zenbait libururen egilekidea; besteak beste, Blockchain: la revolución industrial de Internet. Bloke-kateari buruzko nazioarteko bi aliantza nagusietako kidea da (Enterprise Ethereum Alliance e Hyperledger), Alastriako nodo industrialaren koordinatzailea, AMETICeko bloke-katearen batzordeko lehendakariordea, eta nazioarteko zibersegurtasuneko foro nagusietako kidea (hala nola ECSO - European Cyber Security Organization erakundekoa).
- Alejandra Ruiz TECNALIAko Teknologia Kuantikoen (QTECH) arloko proiektu-zuzendaria da. Hauek ditu interes nagusi: software kuantikoaren ingeniaritzaren alderdi orokorrak, zibersegurtasuna eta komunikazio kuantikoak. Esperientzia handia du sistema txertatuen, zibersegurtasunaren, segurtasunaren eta Software & Systems Lifecycle Innovation-en ekipoetan. Sistema kritikoetako aseguramendu modularreko proiektuetan parte hartu du, bereziki automozioaren, sektore aeroespazialaren, trengintza-sektorearen eta gailu medikoen arloetan, eta Europako proiektu askotan ibili da. Alejandrak AENORen “Teknologia kuantikoen” (Quantum Technologies) CTN 71/SC 14 Normalizaziorako Azpibatzorde Teknikoan parte hartzen du.
Programa
- Kriptografiaren erronka berriei buruzko sarrera laburra:
- Postkuantika
- Kuantika
- Quantum Communication – QKD (Quantum Key Distribution)
- Ekitaldiari buruzko informazio gehiago Gipuzkoako Industria Ingeniarien Elkargo Ofizialean (Ingeniariak).