Digital Transformation Summit goi-bileraren bigarren edizioan parte hartuko dugu
Ekainaren 24tik 28ra, Madeirak Digital Transformation Summit goi-bilera hartuko du, eraldaketa digitalaren astearen barruan. Ekimenak lau puntu kardinal ditu ardatz: gobernua, azpiegiturak, eskumenak eta enpresak.
- TECNALIAk foro horretan parte hartuko du, Soft and Deformable products Manufacturing lantegian, ekainaren 25ean.
- Arantxa Renteria TECNALIAko osasun-ikertzaileak SMARTHANDLE (objektu malgu eta delikatuen manipulazio adimenduna) delakoaren aurrerapenak eta erabilera-kasuak aurkeztuko ditu, eta ukipen-lenteen ekoizpenaren kasuaren xehetasunak azalduko ditu.
- Lantegi horrek teknologia robotikoen eta adimen artifizialaren arloko abangoardiako zenbait berrikuntza aztertuko ditu, zeinen helburua baita fabrikazioaren Europako panorama eraldatzea eta ekoizpen-sistemen malgutasuna, arintasuna eta efizientzia hobetzea.
- Saioan sakonduko da nola aplika daitezkeen teknologia horiek askotariko produktuak maneiatzeko (objektu bigun eta deformagarriak, askotariko tamainetako eta materialetako piezak…) masa-ekoizpenetik pertsonalizaziora igarotzen laguntzeko gizartean eta gizakiengan dituzten ondorioak ahaztu gabe.
Hori guztia erakusteko, berrikuntza-erronka horiei heltzen dieten Europar Batasuneko lau proiektu aurkeztuko dira:
- AGILEHAND: ikasketa sakonaren bidez kalitatea kalifikatzea
- MASTERLY: adimen artifizialaren bidezko soluzio robotiko arinak, manipulazio- eta mihiztatze-eragiketa efiziente eta autodeterminatuetarako.
- SMARTHANDLE: objektu malgu eta delikatuen manipulazio adimenduna; ukipen-lenteen ekoizpenaren kasua
- Proiektu-klusterra: sinergia-ekimenak
Europar Batasunaren estrategia digitala
Egun horietan, premia, itxaropen, garapen eta soluzioa berritzaileak izango dira eztabaidagai, helburu izanik herritarrak eta enpresak digitalki gaitzea, hobetzeko, hazteko, berritzeko eta bidezko baldintzetan lehiatzeko eta, aldi berean, neutraltasun klimatikoa lortzeko. Madeirako Eraldaketa Digitalari buruzko 2. Goi Bileran, Europa eta eskualde mailan helburu aitzindariak lortzeko Europar Batasunaren estrategia Digitala eztabaidatuko da.
- Europako Batzordeko, Gobernuko, mundu akademikoko eta industriako pertsona ospetsuak elkartuko dira bertan.
- Gailurrak gizarte digital batean gizakia ardaztzat hartzen duen ikuspegi baterako agertokia ezarriko du.
Lantegiko gaiak: "Soft and Deformable products Manufacturing"
- Eraldaketa digitala
- Osasuna
- Fabrikazioa
- Itsasoa
- Hiri adimendunak eta energia
- Bai eta Europako Datuguneen eta Berrikuntza Digitaleko Europako Zentroen sarearen bidez sortu eta eskainitako zerbitzu digitalen multzo osoa ere.