Ekonomia zirkularra da gure gizartearentzat eta gure planetarentzat jasangarriak diren ekoizpen- eta kontsumo-ereduetarako trantsizioa bultzatzen duen aldaketaren motorra
Haren oinarria hazkunde ekonomikoa eta baliabide finituen kontsumoa bereiztea da, ondasunak eta zerbitzuak modu jasangarrian sortuz, baliabideen kontsumoa eta hondakinen sorrera eta isurketa mugatuz. Helburua da "erabili eta bota" oinarri duen kontsumo linealeko eredua eraldatzea eta eredu zirkular bihurtzea, egungo erronkei erantzuteko (ingurumenekoak, ekonomikoak eta sozialak).
Ekonomia zirkularrean, besteak beste, alderdi hauek hartzen dira kontuan: ingurumen-inpaktua murriztea, baliabide naturalen kontserbazioa, iraunkortasuna, bizi-zikloaren hedapena, berrerabiltzea, birziklagarritasuna, ekodiseinua, hondakinak murriztea eta balorizatzea, material jasangarriak, eraikuntza-sistema berriak, negozio-eredu berriak eta garapen ekonomikoa.
Alderdi horiek bereziki kritikoak dira eraikuntzaren arloan: Espainiako BPGaren % 12,5 inguru sortzen duen eta 1,3 milioi pertsona baino gehiago barne hartzen dituen sektore bateko prozesuen bizi-ziklo osoari eragiten diote.
Profesionalen eta adituen arteko topagunea
- Jardunaldi honen bidez, topagune bat sustatu nahi da, eraikuntzaren munduko profesionalek eta adituek aukera izan dezaten ideiak trukatzeko eta ekonomia zirkularreko joera berriei buruz eztabaidatzeko.
- Teknologietan, balorizazio- eta kudeaketa-prozesuetan, araudian, garapen digitaletan, materialetan, negozio-ereduetan eta abarretan izan diren azken berrikuntzak aztertuko dira, baita ekonomia zirkularrari eta jasangarritasunari lotutako aukera berriak ere.
- Jardunaldian, sektoreko zenbait enpresak parte hartuko dute; beren estrategia eta beren konpainian ekonomia zirkularra bultzatzeko ezarri dituzten ekimenak eta garapen teknologikoak azalduko dituzte.
Norentzat
- Eraikuntzaren balio-kate osoko profesionalentzat da ekitaldia: diseinua, materialen fabrikazioa, garraioa, azken obran jartzea, eragiketa eta mantentze-lanak, eta eraikinen eta azpiegituren bizi-amaiera, berrerabilera, hondakinen kudeaketa eta balorizazioa.
