TECNALIAk hiriaren biki digitala erakutsiko du irisgarritasun unibertsalari buruzko jardunaldian: Euskadi, konpromiso partekatua.
TECNALIAk datuetan oinarritutako erabakiak hartzea errazten duten tresna digitalak garatzen ditu hiri-plangintzaren bidez hiriak hobetzeko. Irisgarritasun Unibertsalaren jardunaldia antolatu dute Irisgarritasuna Sustatzeko Euskal Kontseiluak (ISEK), Euskadiko Irisgarritasunaren Behatokiak eta Eusko Jaurlaritzako Etxebizitza eta Hiri Agenda Sailak. Bertan, irisgarritasunaren inguruko erronka, aukera eta irtenbide berritzaileak jorratuko dira, eta pertsona guztientzako aukera-berdintasuna eta inklusioa sustatuko ditu.
- Sektoreko profesionalen, erakundeen eta publiko orokorraren arteko elkarlana sustatzeko gunea izango da.
- Teknologiak aukera ematen digu pertsona guztiekin lagunkoiak diren hiriak elkarlanean diseinatu eta garatzeko erabakiak hartzen laguntzeko.
Hiriaren biki digitala
Europako UrbanAge ekimenaren esparruan, TECNALIAk hiriaren biki digital bat garatu du, hirietako hiri-plangintza adinekoekin lagunkoia izan dadin.
- Jardunaldian aurkeztuko den biki digital horrek hainbat datu biltzen ditu, hala nola eraikinei, osasun-zentroei, berdeguneei, hiri-altzariei edo arrapala mekanikoei buruzkoak; hala, hiriari buruzko informazio integratua eta erraz ikusteko modukoa izango da.
- Era berean, etorkizuneko esku-hartzeek hiriaren lagunkoitasunean izan dezaketen eragina simulatzen du tresnak. Modu horretan, besteak beste adimen artifizialeko algoritmoei eta big datari esker, hiri-plangintzaren arduradunek aurrez jakin ahal izango dute zer ondorio izango dituzten ezarriko diren neurriek.