Inprimatze tradizionalaren sektorea berrasmatzen ari den honetan, inprimatze funtzionala bihurtu da zutabe berrietako bat, aukera ematen duena hainbat sektoretara aplikatutako negozio-lerro berriak irekitzeko: esaterako, argitaletxeetara (liburu eta aldizkari digital eta interaktiboak, gailu inprimatu funtzionalak...), industria-sektorera (zirkuituak, antenak, sentsoreak, bateriak, etab.), nekazaritzako elikagaien sektorera (biosentsoreak, ontzi eta etiketa adimendunak...) eta osasun-sektorera (diagnostiko biokimikorako gailuak, saiakuntza biologikoen testak...).
Hauxe da inprimatze funtzionalaren funtsa: funtzionaltasun berriak dituzten produktuak fabrikatzea inprimatze bidez. Horretarako, inprimatze-teknologia tradizionalak erabiltzen dira (offset, sakongrabatua, serigrafia...) material aurreratuekin, hala nola tinta gidariak, bioaktiboak edo termokromikoak. Hala, balio erantsi handiko eta aplikazio ugariko produktuak lortzen dira, kostu apalean, kantitate handitan eta ingurumen-inpaktu txikiagoarekin.
TECNALIA ekitaldian kolaboratzaile izanik, hitzaldi batekin hartuko dugu parte: Inprimatze funtzionaleko plataforma: materialetik hasi eta pieza funtzionaleraino. Hizlaria gure lankide Isabel Obieta izango da, Industria eta Garraioko proiektu-zuzendaria.
Gehiago jakin nahi baduzu halako materialen berrikuntza, aplikazio eta garapenei buruz, gonbidatzen zaitugu Functional Print Inprimatze Aurreratuko Klusterrak antolatutako jardunaldira etor zaitezen, zeinak enpresen berrikuntza eta lehiakortasuna sustatzen baititu.
Informazio gehiago eta izen-ematea:
http://ingenioenred.es/curso/235/jornada-de-difusian-innovaciones-aplicaciones-y-desarrollos-en-impresian-funcional
| Ordutegia | Gaia |
| 11:00 - 11:15 | Parte-hartzaileen harrera |
| 11:15 - 11:30 | Jardunaldiaren hasiera. Cluster Functional Print, “Inprimatze funtzionala bultzatzeko jarduera-lerroak”. Mar González, clusterreko kudeatzailea. |
| 11:30 - 12:00 | CEMITEC, "Elektronika inprimaturako material eta aplikazio berrien garapena". Rakel Herrero (Material Jalkitzearen arloa) eta María Lasheras (Materialen arloa). |
| 12:00 - 12:30 | TECNALIA, "Inprimatze funtzionaleko plataforma: materialetik hasi eta pieza funtzionaleraino”. Isabel Obieta, Tecnaliako Industria eta Garraioa Dibisioko proiektu-zuzendaria. |
| 12:30 - 12:45 | Cluster Funcional Print, "Inprimatze funtzionaleko adibideak eta arrakasta-kasuak". Mar González, cluster manager-a. |
| 12:45 - 13:00 | Adastra. "I+G+Bko finantzaketa publikoa eta pribatua eta inbertsioak". Mario J. Moya, bazkide zuzendaria, eta Guillermo Ibarra, finantzaketa publikoko eta I+Gko arduraduna. |
| Networking aperitiboa |