Jardunaldi teknikoa: Nola azeleratu araudia betetzea eta produktu ziberseguruen ziurtapena sektore elektrikoan
Azpiegitura kritikoen digitalizazioak zibersegurtasuneko erronka berriak planteatzen ditu, eta, horren ondorioz, Europak politika berri bat garatu du hardware- eta software-produktu seguruagoak eta erresilienteagoak bermatzeko. Europako araudia, Cyber Resilience Act izenekoa (CRA), 2024an sartuko da indarrean, eta nahitaez bete beharrekoa izango da era horretako produktuen fabrikatzaileentzat.
Gainera, joera teknologiko batzuek, hala nola sare elektrikoko nodoetan zenbait funtzionalitate birtualizatzeak edo agente batzuen artean partekatutako datu-espazioak erabiltzeak, are beharrezkoago egiten dute sistema elektrikoa osatzen duten ekipamendu eta sistemen zibersegurtasuna indartzea”.
Norentzat
- Energiaren sektoreko operadoreak, ekipamendu eta osagaien fabrikatzaileak, ingeniaritzak, zerbitzu-enpresak eta sare adimendunekin eta sektore elektrikoarekin lotutako beste eragile batzuk.
IEC 62443 araudiaren araberako sistema elektriko ziberseguru bat hedatzeko eta CRA betetzen dela ziurtatzeko eskakizunak eta erronkak aurkeztuko dira. Adituek diseinu- eta garapen-prozesuaren garrantziaren berri emango dute, eta azalduko dute zein garrantzitsua den prozesu hori azpiegitura elektrikoetako zibersegurtasun-eskakizun berrien aurrean.
Zibersegurtasun Industrialeko Esperientzien Nazioarteko XXI. Biltzarraren (2023) esparruan, TECNALIAk zibersegurtasun industrialerako dituen gaitasun bereziak eskainiko ditu, bai eta produktu elektronikoaz eta beraren fabrikazio-prozesuaz duen ezagutza sakona ere, enpresei zibersegurtasuna ziurtatzeko prozesuetan laguntzeko.