Diziplinak batzen: DeDNAed ekimenak fisika eta biologia uztartzen ditu biosentsore berriak garatzeko
Uztailaren 17an, DeDNAed Europako ekimenaren emaitzak aurkeztuko dira; TECNALIAk parte hartzen du proiektuan. Hizlarietako bat Verónica Mora da, TECNALIAko osasun-arloko ikertzailea eta biomaterialetan aditua.
Biosentsore-belaunaldi berria
Proiektuan, TECNALIAren parte-hartzearekin, gainazalak hobetuak dituen Raman espektroskopiaren (SERS) eta origami DNAren abantailak uztartzen dira biosentsoreen belaunaldi berri bat garatzeko.
- DeDNAed proiektuaren helburua da biosentsore-plataforma berritzaile eta aurreratu bat garatzea, sentsibilitate, moldakortasun eta fokuratze optiko baten bidezko abiadura ultrabizkorra izateagatik nabarmenduko dena.
- Plataformaren oinarria izango da elementu sentsoreak (transduktorea eta biohargailua) konbinatzea eta integratzea origami DNA erabiliz.
- Origami DNA elementu horien posizioa zehaztasunez kontrolatzeko erabiliko da, eta, horrenbestez, sentsorearen arkitektura eskala nanometrikoan kontrolatuko da.
Ekimenaren helburuak eta abantailak
Bioezagutza-elementuak (antigorputza edo aptameroa) nanokluster atomikoak integratuta izango ditu bere egituran. Transdukzioa analitoa biohargailura elkartzean gertatzen diren SERS seinalearen aldaketen bidez lortuko da. Nanopartikulak kokapen estrategikoetan sartuz hobetuko da SERS seinalea.
Ikuspegi horrek abantaila nabarmenak eskainiko ditu: sentsibilitate handiagoa izango du; azkar erantzungo du, eta egokia izango da arreta-guneko diagnostikoetarako (PoC).
Batu zaitez web-mintegi honetara, eta ezagutu emaitza nagusiak eta xehetasun guztiak, lehen mailako zortzi hizlari adituren ahotik.
*Proiektuak Europar Batasunaren ikerketako eta berrikuntzako Horizon 2020 programaren finantzaketa jaso du, 964248 zenbakiko dirulaguntza-hitzarmenaren bidez.