Fernando Espiga
Trantsizio energetikoaren arduraduna
Energia berriztagarriak modu lehiakorrean sortzeko soluzioak garatzen ditugu, baita karbono-dioxidorik gabeko mugikortasuna sustatzeko ere. Horiek guztiak zabaltzeko, lagungarri zaigu hainbat alorretan daukagun esperientzia; konparazio batera, sare adimendunetan, energia biltegiratzen (hidrogenoa barne), teknologia digitaletan, energia-efizientzian eta material aurreratuetan. Industria karbonogabetzeko babesa eskaintzen dugu, baita energetikoki efizienteak, jasangarriak, erosoak eta erresilienteak diren hiri-inguruneak planifikatzeko eta diseinatzeko ere.
2050ean klima-neutraltasuna lortzeak energia erabat karbonogabetzea eskatzen du, eta, aldi berean, iturri % 100 berriztagarriak baliatzen dituen sistema elektrikoa edukitzea. Aurrekaririk gabeko erronka dugu hori, eta, lortuko badugu, beharrezkoak dira hainbat eginahal: energia-iturri berriztagarriak masiboki sartzea; eraikinen, hirien eta industriaren energia-efizientzia areagotzea; garraioa elektrifikatzea; edo erregai fosilen tokian energia-eroalea berdeak ipintzea eta sare adimendunak zabaltzea, energia sortzeko, biltegiratzeko eta banatzeko kudeaketa aurreratua erraztuz.
Testuinguru horretan, industriarekin eta erakundeekin lankidetzan dihardugu karbono gutxiko energia-soluzioak garatzeko, aplikazio bakoitzak eskatzen dituen teknologia egokiak integratuz. Negozioaren eraldaketa eredu energetikoaren aldaketarekin lerrokatu nahi dugu, oinarri teknologikoa duten aukera berriak garatuz honako eremu hauetan:
Energia berriztagarrien, eguzki-energia fotovoltaikoaren, eolikoaren (offshore eta onshore) eta biomasaren sistemak eta osagaiak berritzen ditugu, horiek diseinatzeko, fabrikatzeko eta erabiltzeko teknologiak garatuz eta integratuz, eta guztiak ere optimizatuz kostuei, dimentsionamenduari eta errendimenduari dagokienez.
Sare adimendun bat gaitzeko sistemak garatzen ditugu. Horretarako, batetik, planifikaziorako, eragiketarako eta kontrolerako tresna eta aplikazioak baliatzen ditugu, eta, bestetik, eredu eta algoritmoetara jotzen dugu eskariaren malgutasuna, biltegiratzea eta sorkuntza banatua kudeatzeko.
Iturri berriztagarriak gehiago integratzen laguntzen dugu; sare-malgutasuneko zerbitzuak ematen ditugu, hornidura-segurtasuna eta erasoen aurrean defendatzea eskaintzen dutenak. Horretaz gainera, sarearen jarduna eta mantentze-kostuak gutxitzen dituzten zerbitzuak ere ematen ditugu.
Gainera, sareko ekipo elektrikoen egokitasuna ebaluatzeko, diagnostikoa egiteko eta zerbitzuan jartzeko zerbitzuak eskaintzen ditugu.
Karbono-dioxidorik gabeko mugikortasuna lortzeko soluzioak eskaintzen ditugu, elektrifikazioaren, erabilerak integratzearen (ibilgailu elektrikoa biltegiratze banatu gisa) eta hidrogenoan oinarrituriko soluzioen bidez.
Hainbat alorretan dihardugu lankidetzan administrazioekin:
- Haien energia-estrategia eta -plangintza garatzen, ekonomia- eta gizarte-dimentsioak integratuz.
- Lurralde bakoitzaren urrakortasunaren ebaluazioa eta klima-aldaketarako egokitzapena.
- Ingurumen-kalitatea eta -erosotasuna kudeatzen.
Horretaz gainera, klima-zerbitzuak, inpaktuen ebaluazioa eta karbonogabetzeko ibilbide-orriak eskaintzen ditugu, baita ekonomia zirkularreko estrategiei buruzko aholkularitza ere.
Materialak garatzen eta ezaugarritzen ditugu hainbat egitekotarako:
- Energia sortzea muturreko baldintzetan
- Oinarri biologikoko produktuak
- Biltegiratze elektrokimikoa
- Konbertsio-prozesu energetikoak, hidrogenoan edo erregai sintetikoetan oinarriturik
Industria karbonogabetzeko euskarria eskaintzen dugu, honako teknologia hauek konbinatuz:
- Energia-efizientzia, hondar-beroen aprobetxamendua eta elektrifikazioa
- Karbono-isuri apaleko H2-a ekoiztea, garraiatzea eta biltegiratzea.
- Biofindegia. Bioproduktuak eskuratzea.
- Hondakinak, bioproduktuak eta soluzio zirkularrak baliozkotzea.
Soluzio teknologiak lantzen jarduten dugu, energia positiboa baliatzen duten eraikinak, auzoak eta hiriak lortzeko. Xede horrekin sorturiko teknologiek hainbat alorretan eragiten dute:
- Energia-efizientzian.
- Iturri berriztagarriak eraikuntza- eta hiri-sistemetan txertatzen.
- Beroa elektrifikatzen.
- Energia-erabilerak barrutietan txertatzen.
Adimena gaineratzen diegu energia sortzearekin, banatzearekin eta hornitzearekin loturiko sistema eta prozesuei. Hala, soluzio digital berriak sustatzen ditugu:
- Aktiboekin loturiko mantentze- eta operatze-lanak.
- Energia-efizientziaren alorreko sistema adimendunak.
- Adimen artifiziala petrolioaren eta gasaren alorrean zein industria kimikoan.
- Zibersegurtasuna
- Datuen analitika, ingurumen-ebaluazioa eta aurreikuspen klimatiko eta energetikoak egiteko.
- Datuen huba: jabetza partekatua eta datuen gobernantza.
