CO2-a bihurtzeko teknologiak garatzea, energetikoki efizienteak eta ekonomiaren eta ingurumenaren aldetik bideragarriak direnak erregai fosiletatik datozen isuriak balioesteko; eta hori guztia karbono-emisioetan intentsiboak diren industrien, energia-ekoizpenaren eta tokiko ekonomiaren arteko sinbiosiaren bidez. Proiektu honen ikuspegi zirkular bakarrak urtean 2,4 Mt CO2 arintzen ere lagundu dezake.
Kontzeptu hori Dunkerquen aplikatu da, ziklo konbinatuko DK6 zentral elektrikoaren, Arcelor Mittal altzairu-fabrikaren eta Europako portu nagusietako baten artean. Gaika bereizten da labe garaiko gasean ageri den CO2-a. Ondoren, elektrolisi bidez sorturiko hidrogeno berdearekin konbinatzen da –iturri berriztagarrietatik lorturiko elektrizitatea erabiliz–, eta, hala, bi bektore energetiko sortzen dira: dimetileterra eta azido formikoa.
C2FUEL proiektuan lantzen diren erronka tekniko eta ekonomiko nagusiak bi dira: tenperatura altuko elektrolisia eta dimetileterra eta azido formikoa sintetizatzeko ibilbide berritzaileen garapena, H2 berdea eta atzitutako CO2-a oinarri hartuta. Garatutako prozesuak industria-ingurune garrantzitsu batean ari dira integratzen, frogatzen eta baliozkotzen, eta ekoitzitako erregaia sistema errealetan probatzen da.
Proiektu hau Europar Batasunaren Horizon 2020 ikerketa- eta berrikuntza-programak finantzatua da, 838014 zenbakidun dirulaguntza-hitzarmenari jarraikiz.
