"Interakzio fisikoa eta urrunekoa dira garapen berritzaile horiei esker lortzen diren helburu nagusiak"
TECNALIA JARVIS garatzen ari da, gizakien eta roboten arteko lankidetza industria-inguruneetan eraldatzeko
TECNALIAn industria-sektorera bideratutako gizakien eta roboten arteko lankidetza-prozesuak garatzen ari gara. Hori lortzeko, JARVISen ari gara lanean. Helburua da industria-inguruneetan gizakien eta roboten arteko lankidetza eraldatzea; horretarako, tresna berrerabilgarrien multzo bat garatzen ari gara, zeinen bidez adimen artifizialak (AA) eragindako interakzio multimodal bat ahalbidetzen baita. Ikuspegi berritzaile horren helburua da ekoizpenaren eta industriako mantentze-lanen efizientzia, segurtasuna eta malgutasuna hobetzea, prozesuan parte hartzen duten bi eragile horiek trabarik gabe integratuz. Horretarako, TECNALIAk aditu-talde handi bat du Ekoizpen-baliabideak eta Robotika arloan.
Garapen berritzaile horiei esker lortzen diren helburu nagusiak interakzio fisikoa eta urrunekoa dira. JARVISek garatzen dituen interfaze aurreratuek informazioa fisikoki zein urrundik trukatzeko aukera ematen dute; era horretan, gizakien eta roboten arteko komunikazioa hobetzen da.
Honako hauek dira JARVIS bultzatzen duten funtsezko teknologiak:
- Gizakiaren eta robotaren arteko interakzioa: interfaze aurreratuak, robotak urrundik eta fisikoki kontrolatzeko eta gizakien eta makinen arteko lankidetza zuzena ahalbidetzeko.
- Adimen artifiziala eta pertzepzioa: AA sortzailea eta ikaskuntza automatikoa erabiltzen dira objektuak ezagutzeko eta roboten ibilbideak planifikatzeko eta, horrela, haien zereginetan doitasuna eta moldakortasuna hobetzeko.
- Teleoperazioa eta errealitate areagotua: erabiltzailearen esperientzia hobetzen duten interfaze aurreratuak. Haiei esker, denbora errealeko lankidetzaren kudeaketa efizienteagoa ahalbidetzen da eta gainbegiratzea eta urruneko kontrola errazten dira.
- Prozesuen kontrola eta automatizazioa: produktibitatea eta efizientzia operatiboa hobetzen dituzten sistema automatizatuen bidez, proiektuak lan-fluxua optimizatzen du industria-inguruneetan.
- Biki digitalak eta simulazioa: biki digitalei esker, industriako prozesuak adierazten eta simulatzen dira, eta hori lagungarria da optimizatzeko, aurreikuspenak egiteko eta erabakiak hartzeko.
- Segurtasun- eta pribatutasun-sistemak: JARVISek bermatzen du datuen babesa eta GDPRren moduko araudiak betetzen direla; hala, ziurtatzen da ezarritako soluzioak seguruak direla eta pribatutasuna errespetatzen dutela.
Giza langileen eta roboten arteko interakzioa eraldatzeko, JARVISen etorkizuneko helburua da gizakien eta makinen arteko lankidetza oztoporik gabea eta efizientea izatea, eta horri esker, industria globalen ekoizpen-ahalmena eta segurtasuna areagotzea. Horretarako, TECNALIAk aditu-talde bikaina du.
