"FIDELIAren helburua da sektoreko eragile nagusiak konektatzea, lankidetza sustatzea eta industriaren eraldaketa teknologikoa bultzatuko duten zerbitzu espezializatuak eskaintzea”
FIDELIA ekimenaren buru gara; haren helburua da adimen artifiziala eta deep learning inplementatuz fabrikazio adimendunean berritzea
Fabrikazio adimenduneko berrikuntzak beste aurrerapauso bat eman du FIDELIA ekosistema abiarazita. FIDELIAren helburua da teknologia aurreratuen hedapena sustatzea eta robotikan eta adimen artifizialean I+G+B ekimenen garapena sustatzea. FIDELIAren helburua da sektoreko eragile nagusiak konektatzea, lankidetza sustatzea eta industriaren eraldaketa teknologikoa bultzatuko duten zerbitzu espezializatuak eskaintzea.
Adimen artifiziala eta deep learning
FIDELIAren helburu nagusia da berrikuntza inklusiboko ekosistema bat sendotzea, era horretan fabrikazio aurreratuan garapen teknologikoa eta adimen artifizialaren eta deep learningaren inplementazioa bultzatzeko. Hauek dira helburu espezifiko nagusiak:
- Ekosistema mapatzea, eragile giltzarriak eta haien gaitasunak identifikatzeko.
- Behar zehatzak detektatzea eta sektore barruan lankidetza aktibatzea.
- Ezagutzaren trukea sustatzea tailer, ekitaldi eta jarduera espezializatuen bidez.
- Esku hartzen duten eragileen ikusgarritasuna areagotzea eta haien sarearen zabalkundea sustatzea.
- Talentua eta prestakuntza bultzatzea eta, horri esker, gaitasun teknikoak garatzea eta nazioz gaindiko lankidetza sustatzea.
Fabrikazio adimendunaren etorkizunerako esparru bat
FIDELIA tresna estrategiko gisa aurkezten da fabrikazio adimendunaren esparruan berrikuntza-ekosistema sendo bat finkatzeko. Ekimenaren helburua da enpresen lehiakortasuna eta sektoreko profesionalen garapena indartzea, horretarako adimen artifiziala, automatizazio aurreratua eta eragile giltzarrien arteko lankidetza sendoa konbinatuz.
Garapen Teknologiko eta Berrikuntzarako Zentroak (CDTI) sustatutako ekimena da, eta TECNALIAk gidatzen du. Gainera, goi-mailako partzuergo batek hartzen du parte, honako hauek osatua: Tekniker, STECH-AFM Cluster, Eurecat, IRV, Oesía taldea eta IMH Campus. Funtsezko ekimentzat hartzen da, Espainian fabrikazio aurreratuko ekosistema sendo bat finkatzeko.
Jasangarritasuna, digitalizazioa eta aurrerapen teknologikoa ardatz hartuta, FIDELIA ekimenak Espainiaren lidergoa sendotzen du fabrikazio aurreratuan, eta merkatuaren benetako beharretara hurbiltzen du berrikuntza. Bat egin FIDELIA ekosistemarekin.
