Elikagaien berrikuntza-ekimenak zabaltzeko jardunaldia

Elikagaien berrikuntza-ekimenak transferitzeko eta zabaltzeko jardunaldi batean hartu du parte TECNALIAk, sektorerako teknologia berrien garatzaile gisa

Nekazaritzako elikagaien sektorean berrikuntza bultzatzeko, TECNALIAk funtsezko zeregina du nekazaritza-industriaren balio-kate osoari aplikagarriak zaizkion soluzio teknologikoen bidez. Gure lanaren ardatza da teknologia berriak garatzea, enpresei elikadura osasungarria eta jasangarria sortzen laguntzeko. Arlo horretan, lantalde zabala eta esperientzia luzea ditugu.

Testuinguru horretan, datorren martxoaren 25ean, parte hartuko dugu Eusko Jaurlaritzako Elikadura, Landa Garapen, Nekazaritza eta Arrantza Sailak antolatutako Elikagaien berrikuntza-proiektuak transferitzeko eta zabaltzeko III. jardunaldian. Arabako Teknologia Parkean egingo da.

Elikagaien berrikuntza

Eusko Jaurlaritzako Elikadura, Landa Garapen, Nekazaritza eta Arrantza Sailak eragile ekonomiko eta lehiakor bihurtu nahi ditu lehen sektorea eta haren balio-kateak. Horretarako, konpromisoa hartzen du ekosistema ireki, aktibo eta propositibo bat koordinatzeko eta babesteko, arlo publikoaren eta pribatuaren arteko harreman baten barruan. Elkarlaneko agertoki batean kokatzen da, non eragileek beren ezagutza eta gaitasunak baliatzeko aukera baitute, batez ere berrikuntzaren esparrukoak; helburua sinergiak eta gaitasunak integratzea da.

Hori lortzeko, Elikagaien berrikuntza-proiektuak transferitzeko eta zabaltzeko III. jardunaldia egin da —euskal enpresek gidatutako proiektuei dagokiena— , Euskadiko elikagaien ekosistema osatzen duten eragileekin lankidetzan. Topaketak honako helburu hauek ditu:

• Elikagaien sektoreko eragileen artean ezagutzaren eta teknologiaren transferentzia sustatzea.
• Euskal enpresek gidatutako berrikuntza-proiektuen aurrerapenak eta emaitzak zabaltzea.
• Enpresen, ikerketa-zentroen eta erakunde publikoen arteko lankidetza eta networkinga sustatzea.
• Elikagaien sektoreko berrikuntza- eta garapen-aukera berriak identifikatzea.

TECNALIA eta elikagaien sektoreari egiten dion ekarpena

TECNALIAk lankidetza estuan dihardu sektoreko enpresekin, elikaduraren etorkizuneko erronka nagusiei aurrea hartzeko. Horretarako, enpresen lehiakortasuna bultzatzen du, azken helburua pertsonen bizi-kalitatea hobetzea delarik. Gure egiteko nagusia da osasunaz gero eta kezkatuagoa dagoen gizarte baten eskakizunei egokitutako osagai eta elikagai naturalak eta funtzionalak lortzea eta garatzea. Gainera, elikagaien ekoizpen-prozesuen digitalizazioan eta jasangarritasunean ari gara lanean, eta hori funtsezkoa da sektorearen lehiakortasunerako eta jasangarritasunerako

Izaskun Marañón TECNALIAko Elikadura Osasungarriko ikertzaileak hartuko du parte jardunaldian, "Produktuaren berrikuntza” saioan. Bizkarra eta Destilerias Achako ordezkariekin batera, "Euskal nortasuna duten txokolatezko trufak" ekimenaren gako nagusiak emango dituzte.

Jardunaldiaren egitarau osoa.

**Ekitaldian izena ematea doakoa da eta aldez aurretik erregistratu behar da