Aniztasunaren Gutunarekin bat egin dugu

TECNALIAk Aniztasunaren Gutuna europar adierazpena sinatu du Bilbon Petronorekin, Mutualiarekin eta Siemens Gamesarekin batera. Sinatzeak berekin dakar konpromiso batzuk onartzea genero-berdintasunaren alde ekiteko eta aniztasuna enpresen lehiakortasun-faktore eta faktore estrategikotzat hartzeko.

Tratu-berdintasunari eta diskriminaziorik ezari buruzko I. Euskal Kongresuaren aurretik egiten ari diren jardueren barruan egin zen sinadura-ekitaldia, Gasteizen, Eusko Jaurlaritzaren ekitaldi-aretoan.  Euskal Enpresarien Konfederakuntzaren (Confebask) laguntza izan zuen.

Ekitaldian, Rafael Ruíz TECNALIAko Pertsonen Saileko zuzendariak adierazi zuenez, “atxikitze horrek agerian uzten du gure nahia, eta, genero-berdintasunaren arloari dagokionez, lantzen ari garen Berdintasun Plan berriaren ondorioz egingo diren ekintza zehatzen bidez lagunduko diogu asmo horri”.