Soinean eramateko gailuen aukerak segurtasunaren eta osasunaren arloan

“Soinean eramateko teknologiekin" erlazionaturiko 52 profesional elkartu ziren Bilbon abenduaren 12an eskaintza eta eskaera gerturatzeko eta lankideta- eta ekintzailetza-aukerak aztertzeko asmoz.

Jardunaldi horretan, Iberdrola, Ertzaintza, Portuko Agintaritza eta Osatekek, besteak beste, aurkeztutako txosten interesgarriez gain, zenbait lan-mahai antolatu ziren, soinean eramateko teknologiak segurtasunaren eta osasunaren sektoreetan eskaintzen dituen aukerak eta erronkak zehazteko.

Esate baterako, lan-segurtasuna eta monitorizazioa, eta eraginkortasunarekin eta ROIarekin zerikusia duten erronkak; horiek izan ziren parte-hartzaileek adierazitako gairik aipagarrienak. Ondorio horiek baliagarriak izango dira Bilbao Ekintzak eta TECNALIAk (topaketa honen antolaketan parte hartu zuten) lankidetza- eta ikerketa-bideak ikus ditzaten oraindik gainditu gabe dauden oztopoak gainditzen laguntzeko.

Informazio gehiago

Soinean eramateko gailuen arloko proiektuei buruz gehiago jakin nahi baduzu, jarri harremanetan nieves.murillo@tecnalia.com">Nieves Murillorekin.