Haurrentzako aulki eramangarri berria, Varstiff® teknologiarekin diseinatua

Varstiff® ehun adimendun bat da, eta haren zurruntasuna aldatu egiten da jasan behar duen huts-mailaren arabera; ohiko plastikoen gogortasun bera izatera iristen da. Material hori oinarri hartuta garatu da haurrak babesteko aulki berria automobilen sektorerako.

Produktua maletatxo bat bezala tolesteko diseinatua dago, 12 urte arteko haurren hazkuntzari egokitzen zaio, eta % 75 murriztu dezake familien gastua.

Gai iraultzailea da materialen eta teknologia berrien alorrean. Bere onurei esker, soluzio berriak ematen ditu esparru soziosanitarioan, altzarigintzan eta automobilgintzan, besteak beste.