"Trenbidearen arloko ibilgailu, -pieza eta -osagaietako itsasgarri bidezko loturak fabrikatzaileak zehazten dituen segurtasun-eskakizunen arabera sailkatzen dira"
EN 17460 (lehen DIN 6701) arauaren araberako akreditazioak bikaintasuna eta kalitatea bultzatzen ditu eraikuntzaren eta mugikortasunaren arloko trengintzaren sektorean
Trenbidearen arloko ibilgailu, -pieza eta -osagaietako itsasgarri bidezko loturak fabrikatzaileak loturako akats batek izan ditzakeen ondorioei dagokienez zehazten dituen segurtasun-eskakizunen arabera sailkatzen dira. Fabrikatzaileak itsasgarri bidezko loturak aplikatzeko, gainbegiratzeko eta ikuskatzeko behar adina langile kualifikatu izan beharko ditu.
EN 17460 arauak estandar gorenak ezartzen ditu trengintza-osagaien fabrikazioan eta mantentze-lanetan. Irizpide zorrotzak ezartzen ditu trengintza-aplikazioetako itsasgarrietarako, eta hori arau horren arabera akreditatzen denez, trenetan eta tren-sistemetan erabiltzen diren osagaien egiturazko osotasuna eta segurtasuna bermatzen dira.
Sektoreko erreferente fidagarri gisa dugun posizioa indartzen ari gara, negozio-aukera berriak irekiz eta egungo eta etorkizuneko bezeroek sektoreko enpresen produktuetan eta zerbitzuetan duten konfiantza sendotuz.
Tren-industriarako EN 17460 arauaren estandarrak betetzea eta gainditzea
TECNALIA funtsezko bazkidea da arau horren estandarrak bete eta gainditu nahi dituzten enpresentzat.
TECNALIAren esperientziak EN 17460 arauaren inguruko hainbat arlo hartzen ditu: betetze-premien hasierako ebaluazioa eta arauaren ezarpena eta etengabeko jarraipena. Gure taldea gaitasun eta eskarmentu handikoa da eta gure bezeroekin lankidetza estuan lan egiten du, proiektu bakoitzak estandar zorrotzenak betetzen dituela bermatzeko.
Jakin nahi baduzu nola lagundu diezaiokeen TECNALIAk zure enpresari tren-industriarako EN 17460 arauaren estandarrak betetzen eta gainditzen, jarri harremanetan gure adituekin: Sonia Flórez doktorea eta Beatriz Pérez
