Klima-aldaketak sorkuntza hidroelektrikoan duen eragina ebaluatzen ari gara

Energia hidroelektrikoa energia berriztagarri bat da, errotuen daudenetako bat; funtsezkoa da sistema deskarbonizatuago bateranzko trantsizio energetikorako. Energia sortzeko azpiegiturak oso garrantzitsuak dira; izan ere, zerbitzu bat eteteak ondorio larriak izan ditzake hirien eta industriaren funtzionamenduan.

Energia hidroelektrikoa baliabide hidrikoen mende dagoenez, klima-aldaketak bete-betean eragiten dio. Sorkuntza hidroelektrikoari buruzko “XXI. menderako proiektatutako egoera hidrologikoen ondorioen ebaluazioa” proiektuak zenbait informazio-iturri aztertzen ditu, klima-aldaketako egoeretan proiekzio hidrologikoak ematen dituztenak, eta emaitzak sektoreko informazioarekin konbinatzen ditu (zentral hidroelektrikoen, urtegien eta abarren ezaugarriak). klima-aldaketaren eragina ebaluatzeko.

Klima-aldaketak sorkuntza hidroelektrikoan izan dezakeen eragina aztertuta, klima-eredu globalen eta eskualdekoen emaitzak (prezipitazioa, tenperatura eta abar) informazio baliagarri bihurtzen ditu, sektorean erabakiak hartzeko (batez ere, energia sortzeko dauden emarien kasuan); ezinbestekoa da eredu hidrologikoak garatzea eta kalibratzea. Horretarako, baliabideak, denbora, datuak, ezagutza espezializatua eta abar behar dira.

Berriki, ospe handiko zenbait erakundek (Uraren Zuzendaritza Nagusia, Copernicus Climate Change Service, World Research Institute, eta abar) proiekzio batzuk egin dituzte, klima-aldaketaren egoerak kontuan hartuta, eta informazio publikoa eman dute, sektorea errealitate klimatiko berrira egokitzen laguntzeko baliagarria.

NATURGYrekin batera, parte hartzen ari gara ekimen honetan, zeinak Trantsizio Ekologikorako Ministerioaren Biodibertsitate Fundazioaren babesa jaso baitu. Lankidetza horri esker, garatutako metodologiak sektorearen eskakizunetara egokitu ahal izango dira, eta operazio-datu errealekin kalibratu.

Emaitzak beste eragile batzuei transferitzeko ekintzak egingo dira, eta, hartara, errazago egokituko dira klima-aldaketara, dauden ziurgabetasunak ebaluatuz eta indarberritzeetan, kudeaketa-estrategietan edo garapen berrietan erabaki sendoak hartuz.