Klima-aldaketara egokitzeko ekintzak udalerrien planifikazioan txertatzeko tokiko estrategiak lantzen ari gara

Klima Aldaketaren Espainiako Bulegoak, Biodiversidad Fundazioak eta Ingurumen Hezkuntzako Zentro Nazionalak (CENEAM), Klimaren Aldeko Hirien Sarearekin elkarlanean, trebakuntza espezifiko bat antolatu dute “Klima-aldaketara egokitzeko ekintzak udalerri-mailan” gaitzat hartuta.

Efren Feliuk, Klima-aldaketarako Egokitzapenaren arduraduna bera, “Klima-aldaketara egokitzeko tokiko planak egitea” lantegi praktikoa koordinatu du. Lantegi horretan, gai nagusi hauek jorratu dituzte: inpaktuak (uholdeak, estres termikoa, lur-irristatzeak...) analizatu dituzte —batetik, modelizazio kuantitatiboarekin, eta, bestetik, “adituen iritzia”rekin—; esposizioa, ahultasuna eta arriskuak analizatu dituzte, eta aldaketara egokitzeko planak egin dituzte. Gainera, klima-aldaketara egokitzeko udalerri-mailako plangintzak egiteko aplikazio praktiko bat prestatu da.

"Adaptando el municipio pasito a pasito" bideoan, gure udalerrietako kudeaketa aldatzeko eta, hala, klima-aldaketari aurre egiteko jarraibide batzuk azaltzen dira.

Udalerri-mailako egokitzapen-estrategiak

Klima-aldaketa udalerriko plangintzan txertatzea izan da lantegiaren eta trebakuntzaren ardatza, eta udalerrietako kudeatzaileei baliabide praktiko eta erabilgarri batzuk eskaini zaizkie klima-aldaketara egokitzeko estrategiak garatzeko beren udalerrietan.

Udalerri-mailako erakundeetan klima-aldaketara egokitzeko konpromisoa sustatzea izan da helburua, horretarako ekintza lerrokatuak erabiliz (hala nola Klimaren Aldeko Hirien Sarea eta Klimaren eta Energiaren Aldeko Alkateen Europako Hitzarmena).

LIFE SHARA (“Klima Aldaketara Egokitzeko Sentsibilizazioa eta Ezagutza”) proiektuaren barruan egin da trebakuntza hau.