Materialen fabrikazio-prozesuetan monitorizazio- eta automatizazio-sistemak garatzen ditugu, kalitatea ziurtatzeko

Garapen teknikoak integratzen ditugu 4.0 industriaren kontzeptuetan oinarritutako material konposatuen fabrikazio-prozesuetan: desbideratzeak monitorizatu eta identifikatzen ditugu, erabakiak hartzen ditugu eta modu automatikoan eta denbora errealean jarduten dugu kalitatea eta optimizazioa ziurtatzeko.

Soluzioa onlineko monitorizazio-sistemak ezartzean datza; alegia, ikusmen artifizialeko sentsoreak eta sistemak, prozesuaren funtsezko etapen datuak biltzeko (lay up, aurreformaketa, ontzeak…) Datu horiek denbora errealean erreproduzitzeko gai diren simulazio-ereduak elikatzen dituzte, eta prozesuaren etapetan materialean/produktuan gertatzen diren aldaketak ebaluatzen dituzte (zuntzen orientazioa, biskositatea, ontzea, beira-trantsizioko tenperatura).  

Ikasteko gaitasunari eta automatizazioari esker, prozesua autorregulatu egin daiteke desbideratzeak zuzentzeko (posizionamendua, tenperatura, presioa…) eta pieza bakoitza parametro optimoekin prozesatzeko.

Gure aditu-taldeak gure garapenen berri emango du  JEC2020 material konposatuen azokan. 

• Errendimendu handiko pieza konposatuak garatzea eta fabrikatzea, pisua eta kostuak murrizteko
• Material anitzeko egiturak eta lotura-teknologiak garatzea
• Osagai konposatuak modu automatizatuan ekoizteko sistema eta prozesu berriak garatzea
• Egiturak mihiztatzea
• Material eta geruza funtzionalak garatzea material konposatuen propietateak hobetzeko
• Pisua murrizteko egituretarako funtzioak sartzea
• Material konposatuak birziklatzea 

TECNALIAREN STANDA - 5. HALLA - F94