Nazio Batuek klima-aldaketari buruzko goi-bileran parte hartzeko pribilegioa eman digute

Nazio Batuek erakunde behatzaile gisa akreditatu gaituzte Madrilen abenduaren 2tik 13ra egingo den “Klima Aldaketari buruzko Nazio Batuen Goi Bilera, COP25” meeting sesionean.

Behatzailearen estatusa pribilegio bat da, aukera ematen diguna erakundearen jardueretan parte hartzeko. Goi-bilera pauso erabakigarria da klima-aldaketaren prozesuan, eta herrialdeak klima-aldaketaren ondorioak arintzeko eta klima-aldaketara egokitzeko egiten ari diren planak bultzatzen ditu: jarduerak sartzea finantza-arloan, ekintzen gardentasuna, basoak eta nekazaritza, teknologia, gaitasunak sortzea, galerak eta kalteak, hiriak, ozeanoak, etab.

Ekitaldiak bi gune izango ditu: gune urdina, saio guztietarako eta aldeen arteko negoziaziorako prestatua; eta gune berdea, parte-hartzea sustatzera bideratua.

Zehazki, zientzia eta berrikuntzari eskainitako gunean, stand bat izango dugu, eta hura baliatuko dugu hiriak eta azpiegiturak klima-aldaketaren inpaktuetara egokitzeko egin ditugun garapenak erakusteko, bai eta energia deskarbonizatzeko eta CO₂-a atzemateko eta balorizatzeko ditugun irtenbideak erakusteko ere.