"Test horiek informazio baliotsua ematen dute osagai elektronikoek zenbait baldintzatan duten erresistentziari, iraupenari eta errendimenduari buruz."
Testak eta analisiak egiten dizkiegu osagai elektronikoei, errendimendu fidagarria eta segurua dutela bermatzeko
Osagai elektronikoen kalitatea eta fidagarritasuna funtsezkoak dira gailuen eta sistemen funtzionamendurako. TECNALIA abangoardian dago merkatuan osagai elektroniko horien bikaintasuna ziurtatzen duten funtsezko testak egiten.
Test-sorta zabala eskaintzen dugu
TECNALIAk test-sorta zabala eskaintzen du: esaterako soldatutako loturen mikro-sekzioen analisi metalografikoak eta begi-ikuskapen zehatzak, eta whiskerak sortzearen, migrazio elektrokimikoaren eta beste fenomeno batzuen ebaluazioa. Test horiek, osagaietan izan daitezkeen akatsak hautemateaz gain, informazio baliotsua ematen dute haiek zenbait baldintzatan duten erresistentziari, iraupenari eta errendimenduari buruz.
Muntaketan deformazio mekanikoak neurtzeko eta test mekaniko osagarriak egiteko gaitasunak beste geruza bat gehitzen dio osagaien egiturazko osotasunaren ulermenari.
- Mikrosekzioen bidezko analisi metalografikoa funtsezko tresna da PCB sistemen mikrosoldadurak zehatz-mehatz ikuskatzeko: agerian uzten ditu egituren eta soldadura-prozesuaren kalitatearen zenbait ezaugarri kritiko, beste teknika batzuek detektatu ezin dituztenak.
- Kalitate-kontroleko testez gain, ingurune-test zorrotzetan ere espezializatuta dago TECNALIA, tenperatura- eta hezetasun-ziklo konbinatuak, talka termikoa, bibrazioa eta erorketa askea barne. Proba horiek mundu errealeko egoerak simulatzen dituzte, osagaiek kondizio gogorretan nola erantzuten duten ebaluatzeko eta, horrela, epe luzerako fidagarritasuna bermatzeko.
- Hutsegiteen azterketa ere eskaintzen du TECNALIAk; metodologia horrek argitzen du zer kausak eragiten duten osagai edo sistema batek funtzionaltasun-galera. Ebaluazio sakon hori baldintza operatiboak aztertzean oinarritzen da; diseinua eta fabrikazioa hobetzeko erabil daitekeen informazio baliotsua ematen du, eta, horrela, kalitatea eta berrikuntza teknologikoa etengabe hobetzen laguntzen du.
