Zure enpresa nazioartean ezagutarazteko laguntza ematen dizugu

Ezkerretik eskuinera: Blanca Usoz, Health 2.0 Basqueren sortzaileetako bat; Juan Carlos Santamaría, Health 2.0 Basqueren sortzaileetako bat; Lara Díaz de Greñu, Innovation Forum Euskadiko lehendakaria eta TECNALIAko ikertzailea; Gonzalo López, Health 2.0 Basqueren sortzaileetako bat, eta Andrea Sarasola, de Innovation Forum Euskadiren sortzaileetako bat eta TECNALIAko ikertzailea.

Innovation Forum sareko kide izatera gonbidatzen zaitugu, eta orobat Euskadin osasunaren eta teknologiaren alorrean dabiltzan startupentzat antolatu den lehen lehiaketan parte hartzera; erakusleiho ezin hobea da zure ideia nazioarteko eragileei erakusteko. 

Innovation Forum Euskadi Bilboko Euskalduna Jauregian egingo da, 2018ko azaroaren 8an, eta lehiaketan hautatutako 10 startupek beren proiektuak azaldu ahal izango dizkiete nazioartean maila handia duten ekintzaile eta inbertitzaileei. Proiektu irabazlea IMAGINE IF! lehiaketaren finalera pasatuko da (Cambridge, Erresuma Batua), eta, hala, Innovation Forum nazioarteko sarean sartuko da.

Hautatutako 10 startupek beren proiektuak aurkeztu ahal izango dituzte Health 2.0 Basqueren hurrengo topaketan. Topaketa hori Osasun Digitalaren Batzarra: osasuna konektatuz batzarrean egingo da, EHUren Udako Ikastaroen barruan, Donostiako Miramar jauregian, 2018ko irailaren 14an.

Innovation Forum Cambridgeko eta Oxfordeko unibertsitateen artean sortutako sare bat da; ekintzaileak eta ikertzaile zientifikoak konektatzen ditu mundu mailako inbertitzaileekin eta business angels-ekin. Hamabost nodo baino gehiago ditu Europan, Asian eta AEBn. Sare horretan, izen handiko enpresak daude, hala nola Johnson&Johnson Ventures, IBM, Roche eta Astellas Pharma, eta IMAGINE IF! ekitaldian egongo dira, Cambridgen, startup irabazleekin batera. 

Informazio gehiago