"Balkoi aktibo honek aukera ematen du energia elektrikoa sortzeko sistema berriztagarriak, aireztapen-sistemak eta energia-kudeatzaile adimendun bat gehitzeko"
TECNALIAk eraikita dauden etxebizitzetarako lehen balkoi modular industrializatua diseinatu du, pertsonen bizi-kalitatea hobetzeko asmoz
Eraikita dauden etxebizitzak era modular eta industrializatuan birgaitzeko balio duen lehen balkoia garatu dugu TECNALIAn. Gainera, baditu beste funtzionalitate batzuk, kanpo-azalera handitzeaz gain. Balkoiak ezaugarri hauek betetzen ditu:
- Eraikuntzako Kode Teknikoaren (EKT) baldintzak.
- Eusko Jaurlaritzaren bizigarritasun-araudian jasotako baldintzak.
- Euskal Autonomia Erkidegoko hirietako Hiri Antolamenduko Plan Orokorreko baldintzak.
Diseinu honek eragin positiboa du bizigarritasunean eta konfortean, energia elektrikoa sortzeko sistema berriztagarriak, aireztapen-sistemak eta energia-kudeatzaile adimenduna gehitzea ahalbidetzen baitu. Gainera, hobekuntza bat da bizi-kalitaterako, toki gehiago ematen duelako, eta soluzio berritzaile bat jasangarritasunerako.
Euskal enpresek sortutako ekimena
TECNALIAk ez ezik, ekimen honetan euskal enpresen partzuergo batek parte hartzen du, honako hauek osatua: Talleres Gorlan, sistemaren fabrikatzailea; Construcciones Zabalandi, instalatzailea; Domusa, balkoien instalatzailea, eta Etxesoft, energia-kudeatzailea garatu duen enpresa. IDK enpresak ere parte hartu du.
Ekimenak BALIN du izena, eta Eusko Jaurlaritzaren SPRI Enpresa Garapenerako Euskal Agentziaren Hazitek programaren parte da.
