Eraikinak erosoak eta jasangarriak izan daitezen lan egiten dugu, eta arreta berezia ipintzen diogu isolamendu termikoaren maila bikaina eta energia berriztagarrietan oinarritutako instalazio termiko eraginkorrak bermatzeari. Hori guztia eraikinaren kontrol- eta eragiketa-sistemak optimizatzeko, jardunari, mantentze-lanei eta barneko airearen kalitateari erreparatuz.

Eraikuntza-produktuen industriari prestazio handiko sistemak garatzen laguntzen diogu, funtsezko teknologiak aplikatuz. Honako hauek, adibidez:

Isolatzaileak, material ez-metalikoak, sistema arinak eta instalazio berriztagarrien integrazioa.
Eraikuntzaren instalazio termikoak optimizatzen ditugu, bai diseinuan, bai jardunean eta mantentze-lanetan.
Kontrolagailuak garatzen ditugu, erabilera detektatzeko, energia-kontsumoa aurreikusteko eta eraikinaren erantzuna optimizatzeko, energia aurreztuz eta eragiketa-kostuak murriztuz.
Gure hirietan, trantsizio energetikoa errazteko lan egiten dugu, baliabide energetikoak identifikatuz eta auzo bakoitzaren berezitasunetara egokitutako esku-hartze planak garatuz.