“ECOLABEL etiketak ziurtatzen du pinturek eta bernizek ingurumen- eta osasun-estandar zorrotzak betetzen dituztela”
ECOLABEL pintura eta bernizetarako Europako etiketa ekologikoa geroz eta garrantzi handiagoa duen bereizgarria da
ECOLABEL pintura eta bernizetarako Europako etiketa ekologikoak geroz eta garrantzi handiagoa du bereizgarri gisa. Europar Batasun osoan aintzatetsitako etiketa honek ziurtatzen du pinturek eta bernizek ingurumen- eta osasun-estandar zorrotzak betetzen dituztela.
Europako etiketa ekologikoak kontsumitzaileei bermatzen die pintura eta bernizei saiakuntza zorrotzak egin zaizkiela eta ingurumena eta giza osasuna babesteko ezarritako irizpideak betetzen dituztela. Etiketa hori lortzean, pintura-fabrikatzaileek beren jasangarritasun-konpromisoa adierazten dute, eta kontsumitzaileei aukera arduratsuago eta kontzienteago bat eskaintzen diete.
TECNALIAren zerbitzu espezializatuak Europako etiketa ekologikoa lortzeko
Zenbait zerbitzu espezializatu garatzen ditugu pintura- eta berniz-fabrikatzaileei bermatzeko Europako etiketa ekologikoa lortuko dutela. Besteak beste, zerbitzu hauek eskaintzen ditugu:
- Produktuen ebaluazioa: entsegu eta analisi zorrotzak egiten ditugu pintura eta bernizek ecolabel Europako etiketa ekologikoaren irizpideak betetzen dituzten ala ez ebaluatzeko; hala nola substantzia toxikoen igorpen-probak, osagaien analisia eta ingurumenean duen eraginaren ebaluazioa.
- Aholkularitza teknikoa: TECNALIAko adituek aholkularitza teknikoa eskaintzen diete pintura-fabrikatzaileei, eta Europako etiketa ekologikoak zehaztutako baldintzak ulertu eta bete ditzaten laguntzen diete. Besteak beste, produktu-formulazioen, fabrikazio-prozesuen eta etengabe hobetzeko estrategien inguruko gomendioak ematen dizkiete.
- Ikerketa eta garapena: pintura eta bernizen sektorean berrikuntza sustatzen dugu, teknologia eta material jasangarriagoak ikertuz eta garatuz.
Pintura eta bernizentzako Europako etiketa ekologikoak praktika jasangarriak bultzatzen ditu eta kontsumitzaileen osasuna babesten du. Etiketa hori duten pinturak aukeratzean, kontsumitzaileek ingurumena kontserbatzen eta barne-espazio osasuntsuak mantentzen laguntzen dute.
