"Elkarrekin, gure marka ezar dezakegu minbiziaren prebentzioan eta tratamenduan"
Otsailaren laua minbiziaren aurkako nazioarteko eguna da; «zaintza bidezkoagoen» alde egiten da egun horretan
Urtero bezala, Minbiziaren Aurkako Nazioarteko Batasuna buru duen munduko mugimenduarekin bat eginez, minbiziaren aurkako nazioarteko eguna ospatuko dugu. TECNALIAren Genetikako laborategian, konprometituta gaude gaixotasun honen aurkako borrokan, hainbeste biziri eragiten baitio.
Badakigu funtsezkoak direla detekzio goiztiarra eta arriskuaren ebaluazioa. Horregatik, onkologiako klinika eta profesionalen eskura jartzen dugu diagnostiko goiztiarra egiteko, gaixotasunaren bilakaera aurreikusteko eta, bereziki, terapia espezifikoak esleitzea aukera ematen duen pazienteen baheketa egiteko biomarkatzaile genetiko espezifikoak identifikatzea. Biomarkatzaile genetikoen azken multzo hori garrantzi handikoa da; izan ere, haiei esker, aukera terapeutiko egokiena hautatu ahal izango da tumorearen ezaugarri molekularren arabera, eta, hala, hautatutako terapia eraginkorragoa izango da gaixotasuna desagerrarazteko.
Halaber, TECNALIAn, CDMO bat garenez (Contract Development and Manufacturing Organization), minbiziaren aurkako borrokan dugun konpromisoa sendagaiei buruzko ikerketaren bidez bideratzen dugu; gure helburua da soluzio berritzaileak eskaintzea eta terapietan aurrerapen nabarmena egiten laguntzea.
Badakigu gutako bakoitzak norberaren neurriko ekarpenak egiteko gaitasuna duela eta elkarrekin benetako aurrerapenak lor ditzakegula minbiziaren mundu mailako inpaktua murrizteko ahaleginean.
TECNALIA minbiziaren aurkako borrokan konprometitua
SEOMek eta REDECANek Minbiziaren aurkako Mundu Eguna dela-eta egindako "Las cifras del cáncer en España 2024" (Espainiako minbiziaren kopuruak 2024an) txosteneko aurreikuspenen arabera, espero da gure herrialdean diagnostikatutako kasuen kopurua 286.664ra iristea urtean zehar. Datu horrek erakusten du % 2,6ko igoera txiki bat gertatu dela 2023. urtearekin alderatuta. Egun hori ospatzeak, egungo estatistiken ebaluazio xehatua egiteko ez ezik, ikerketen aurrerapenetatik sortzen den itxaropenaren garrantzia nabarmentzeko ere balio du. Gainera, aukera bat da arretarik handiena eskatzen duten arloak aztertzeko eta minbiziaren aurkako borrokaren etorkizuneko erronkei heltzeko.
Helburu horiekin bat etorriz, Onkologia Medikoko Espainiako Elkarteak (SEOM) 2024rako dituen lehentasunak azpimarratu ditu. Helburu horien artean daude ikerketa etengabe sustatzea, arretaren kalitatea bultzatzea eta ekitatearen alde egitea aukera terapeutiko ugaritarako sarbidea izateko. Horrek barne hartzen du ziurtatzea, sendagai berritzaileak ez ezik, doitasunezko medikuntzako tratamenduetan egindako azken aurrerapenak ere estatu osoko paziente guztientzat eskuragarri daudela.
Gainera, diziplina anitzeko laguntza humanizatua sustatzen da bereziki, eta arreta berezia jartzen da pazienteen zaintza emozionalean. Egun horren helburua da mundu mailan kontzientziazioa areagotzea, hezkuntza hobetzea eta ekintza pertsonala eta kolektiboa bultzatzea.
