TECNALIAk eta UPV/EHUko IBEA taldeak ZTBESko 45 ikertzaile bildu dituzte, kimiometrian lantalde bat osatu eta sortzeko, eta ikerketa-lerro hori Euskadin zabaltzeko.
TECNALIAk eta UPV/EHUren IBEA taldeak ZTBESko 45 ikertzaile bildu dituzte kimiometriako lantalde bat osatu eta sortzeko, eta ikerketa-ildo hori Euskadin zabaltzeko.
Bost eguneko ikastaroa izan da, gaitegi zabalarekin, hasi irudi hiperespektralen inguruko sarrera batetik eta haiek aztertzeko datuetan oinarritutako tekniketaraino. BRTAko hainbat erakundetako (TECNALIA, Tekniker, CIC-NanoGune) eta unibertsitateetako (UPV/EHU, Mondragon Unibertsitatea, Granadako Unibertsitatea eta Università degli studi Milano-Bicocca) 45 ikertzailek baino gehiagok parte hartu dute dimentsio anitzeko irudien prozesamenduaren oinarriak ezartzeko hiperespektro-analisiaren eta kimiometriaren teknikak ezagutzera orientatutako prestakuntza horretan.
Teknika kimiometrikoek eta irudi hiperespektralaren analisiak seinale fotonikotik abiatuta urruneko karakterizazio kimikoa egiteko aukera ematen dute, eta hainbat aplikaziotan erabiltzen dira, hala nola satelite bidezko irudi-analisian, irudi medikoaren karakterizazioan, industria- eta elikadura-prozesuen lineako ekoizpenaren kalitate-kontrolean eta materialak birziklatu eta bereiztean, besteak beste.
Teknika horiek eragile gisa duten ahalmen eta aplikagarritasun handia kontuan hartuta, ikastaro honen helburua, prestakuntzaz gain, kimiometriako lan- eta ikerketa-talde bat sortzea eta posizionatzea da, ikerketa-ildo hori Euskal Herrian zabaltzeko.
Horretarako, arlo horretako zenbait aditu izan dira, hala nola José Amigo (IKERBASQUE/UPV/EHU) ikuspuntu kimiometrikotik datuak aztertzeko; eta Jose Antonio Arteche, Aitor Álvarez eta Artzai Picón (TECNALIA), irudi espektralean adimen artifizialeko eta Deep Learning-eko teknika aurreratuak aplikatzeko.
Ikastaro hau TECNALIAk koordinatutako Elkartek SmartEye proiektuaren barruan dago. Proiektuan parte hartzen dute Tekniker, Vicomtech, Mondragon Unibertsitatea, UPV/EHU eta BCMaterials erakundeek.
Adituen prestakuntzarako eta lurraldean elkarrekin aurrera egiteko beste urrats bat.
