“Produktu erdilanduen laborategiko saiakuntzak funtsezkoak dira kalitatea bermatzeko, estandarrak betetzeko, diseinua eta fabrikazioa optimizatzeko eta ikerketa eta garapena sustatzeko”
Laborategiko saiakuntza akreditatuen bidez, kalitatea eta arauekin bat-etortzea bermatzen ditugu produktu erdilanduetan, hala nola profiletan, hodietan, kableetan eta malgukietan.
Oso garrantzitsua da produktu erdilanduen saiakuntzak (egiturazko profilena, egiturazko hodiena, zehaztapen-hodiena, kable mekaniko, elektriko eta eroaleena, malgukiena, etab.) TECNALIA bezalako laborategi akreditatu batean egitea, zenbait arrazoirengatik:
- Kalitatea bermatzea: laborategiko saiakuntzei esker, produktu erdilanduen kalitatea ebaluatu daiteke, eta eskatzen zaizkien arau eta zehaztapenak betetzen dituzten egiaztatu. Horrek bermatzen du produktuak aurreikusitako erabilerarako seguruak, fidagarriak eta egokiak direla. Saiakuntzek akats posibleak, ezaugarri desegokiak eta materialen ahulguneak identifikatzen dituzte, eta hori lagungarria da hutsegiteei eta etorkizuneko arazoei aurrea hartzeko.
- Estandarrak betetzea: industria askotan produktu erdilanduetarako Espainiako eta nazioarteko arauak bete behar dira. Laborategiko saiakuntzek egiaztatzen dute produktuak arau horiekin bat datozela. Hori bereziki garrantzitsua da zenbait sektoretan, hala nola eraikuntzan, automobilgintzan, aeronautikan eta petrolioaren eta gasaren industrian, segurtasuna eta kalitatea berebizikoak baitira.
- Diseinua eta fabrikazioa optimizatzea: laborategiko saiakuntzek produktu erdilanduen propietateei eta ezaugarriei buruzko informazio zehatza ematen dute. Horri esker, fabrikatzaileek diseinua eta fabrikazio-prozesuak hobetu ditzakete, hobekuntza- eta optimizazio-eremu posibleak identifikatzen lagunduz. Gainera, saiakuntzek produktuetan erabiltzen diren materialen egokitasuna ere ebaluatzen dute eta aukera desberdinak alderatzen dituzte.
- Ikerketa eta garapena: laborategiko saiakuntzek garrantzi handia dute, halaber, produktu eta material berrien ikerketan eta garapenean. Zenbait materialen propietateak, zenbait egoeraren aurrean duten portaera eta material horien iraunkortasuna eta erresistentzia aztertzen dituzte. Saiakuntza horiei esker, berrikuntza sustatzen da, eta produktu eraginkorragoak eta aurreratuagoak garatzen dira.
Laburbilduz, produktu erdilanduen laborategiko saiakuntzak funtsezkoak dira kalitatea bermatzeko, estandarrak betetzeko, diseinua eta fabrikazioa optimizatzeko, eta ikerketa eta garapena sustatzeko. Saiakuntza horiek fabrikazio-prozesuaren funtsezko zatia dira eta industrian erabiltzen diren produktuen segurtasuna, fidagarritasuna eta bikaintasuna lortzen laguntzen dute.
Produktu erdilanduen fabrikatzaileentzako zerbitzuak
Diziplina anitzeko lantalde fidagarria dugu karakterizazio mikroskopiko, mekaniko eta kimiko egokia egiteko.
Erabilitako materialean zein azken produktuan egiten ditugu azterketak, Espainiako nahiz nazioarteko arau guztien zehaztapenei jarraituz. Eskaintzen ditugun zerbitzuen artean daude materialaren konposizio kimikoaren analisia, egitura metalografikoaren analisia eta gainazalen akaberen azterketa (kanpoko geruza, estaldura eta pinturena barne) eta gainazaleko akatsen detekzioa.
Gainera, produktu mota bakoitzerako saiakuntza fisiko-mekaniko espezifikoak egiten ditugu. Besteak beste, honako saiakuntza hauek egin ditugu: hodien trakzioa, konpresioa, flexioa, ahozabaltzea eta zanpatzea; profilen trakzioa, gainazalaren gogortasuna, kontrol dimentsionala eta korrosioaren ondoriozko pitzadurarekiko erresistentzia; kableen trakzioa, nekearekiko erresistentzia, gogortasuna, ezarritako terminalen erresistentzia eta kableen isolamendu eta babesen saiakuntzak; eta malgukien trakzioa edo konpresioa, K konstantea, zurruntasun mekanikoa eta neke ziklikoa.
