22aza.
Berria
Datu-espazioetan berrikuntzak egiten ditugu segurtasuna hobetzeko
Soluzio horiek kontrolatzen dituzten prozedurak Siemens etxeko PLC batean baliozkotzen ditugu, S7-PLCSim Advanced simulazio-tresnaren bidez
Energia- eta ingurumen-efizientzia hobetzeko teknologia batzuk ezarri dira berokuntza gas naturalean oinarritua zuten eta beroa ohiko trukagailuen bidez berreskuratzen zuten labe industrialetan, bai zeramikaren sektorean (TORRECID, Espainia), bai altzairuarenean (BOSIO & VALJI, Eslovenia).
Hauek dira soluzio batzuk: erregogor berriak, PCM (phase change material) materialetan oinarritutako bero-berreskuragailuak, gasifikatze-prozesu batetik eratorritako erregai alternatiboa (syngas), ezaugarri berrien monitorizazio eta kontrol hobea eta tresna holistiko bat.
Hauek izan dira gure lorpen nagusiak: soluzio berriak kontrolatzen dituzten prozedurak bi motatako labe industrialetan baliozkotzea eta ezartzea: aurreberokuntzakoa (pre-heating) eta galdatzekoa (melting). Beste labe-mota batzuetara ere heda litezke, eta erabiltzaile potentzialak ugaritu.
Bestalde, algoritmo metaheuristikoak aplikatzearen bideragarritasuna ere aztertu dugu, eta soluzio berrien monitorizazioa eta kontrola hobetu.
Soluzio berriak kontrolatzen dituzten prozedurak Siemens etxeko PLC batean baliozkotu dira, S7-PLCSim Advanced simulazio-tresnaren bidez, eta, ondoren, PLC kontrolagailura deskargatu dira, STEP7 Professional TIA Portaleko tresnen bidez. Tresna horri esker, laburtu egin da hobekuntza hori instalazio pilotuan ezartzeko denbora, eta egindako lana grafikoki frogatu ahal izan zaie Europako Batzordeko ebaluatzaileei, bileran bertan.
* Syngas bidezko bero-ekarpena eta PCM bidezko bero-berreskuratzea kontrolatzeko garatutako HMIa, PLCn ezarritako aplikazioa bigarren planoan duela
Lorpen horiek Europako VULKANO Novel integrated refurbishment solution as a key path towards creating eco-efficient and competitive furnaces proiektuaren barruan gauzatu dira.
Informazio gehiago
