Ibilgailu elektrikoen bateria-kaxak automobilgintzaren sektorearen erronka teknologikoetako bat dira
Material anitzeko materialak lotzeko soluzioak garatzen ari gara, ibilgailuen egiturak ez ezik sistemak ere arintzeko, zeinak oso garrantzitsuak izango baitira hurrengo urteetan. Zehazki, ibilgailu elektrikoen bateria-kaxak dira automobilgintza-sektorearen erronka teknologikoetako bat.
Zenbakizko oinarriak eta oinarri esperimentalak ezarri ditugu, ‘Body in White’ delakoaren eta ibilgailu elektrikoen material anitzeko bateria-kaxak beren balio-bizitzan izango duten portaera birtuala aurreikusteko.
Izan ere, ibilgailuetan gero eta gehiago erabiltzen diren material arinen loturen portaera aztertuta, ibilgailuak arintzeko erronkari erantzuten diogu. Simulazio-eredu birtualei lotutako algoritmia bat behar da, lotura-materialei eta lotura-teknologiaren tipologiari buruzko erabaki adimendunak hartzen laguntzeko.
Proiektu honen berrikuntza eta erronka teknologikoa da zenbakizko metodo birtual eta esperimentalen bidez lortzea loturaren propietateen kartak eta loturen propietateen txartelak. Lotura-motaren eta materialen arabera, modu fidagarrian aurreikus daiteke zer portaera izango duten ibilgailu elektrikoaren bateria-kaxak eta Body in White delakoak (BiW). Izan ere, kontuan hartzen du material anitzeko lotura-prozesuaren ondorioz zer portaera izango duen materialak eta epe luzera korrosioarekiko zer erantzun izango duen.
Aurrerapauso handia da hori, gaur egun garatutako ereduek altzairuaren portaerari lotutako hutsegite-modu sinpleak soilik hartzen baitituzte kontuan, eta ez lotura disimil konplexuak.
Informazio gehiago
Multimat+ izeneko ekimen honek, Tecnaliaren laguntza ez ezik, beste hauena ere badu: Autotech Engineering (Gestamp), Mondragon Goi Eskola Politeknikoa eta EHUko Ingeniaritza Mekanikoa Saila.
Ibilgailuak arintzeko gure garapen teknologikoak ezagutu nahi badituzu, jarri gurekin harremanetan helbide honen bidez: industria@tecnalia.com">industria@tecnalia.com
