“Arlo kirurgikoan berrikuntzaren eta eraldaketa digitalaren alde egindako apustuagatik nabarmendu da NEOS Surgery, eta sektorean erreferentzia gisa sendotu da.”
NEOS Surgeryk, TECNALIAren partaidetzapeko deeptech enpresak, Berrikuntza eta Digitalizazioko accesita jaso du 2024ko ETE sarietan
NEOS Surgery, TECNALIAren partaidetzapeko enpresa, saritu dute Urteko ETEaren sariaren VIII. edizioan. Espainiako Merkataritza Ganberak eta Banco Santanderrek Madrilgo Auditorio Santander Españan antolatutako ekitaldian , NEOS Surgery Berrikuntza eta Digitalizazioko accesitarekin nabarmendu dute. Bileran Erregea izan da, eta enpresa txiki eta ertainek garapen ekonomiko eta sozialean egiten duten lana aitortzeko balio izan du. Sari nagusiaz eta Berrikuntza eta Digitalizazioko accesitaz gain, beste hiru sari eman dira bi kategoria hauetan: Nazioartekotzea, Prestakuntza eta Enplegua, batetik, eta ETE Jasangarria, bestetik.
Sari hau eraldaketa digitalaren eta garapen teknologikoaren alde egindako apustuaren aitortza da NEOS Surgeryrentzat. Sektoreari egiten dion ekarpenaren bidez, aurrerapen esanguratsuak bultzatzen ditu osasunaren arloan, eta hazkunde ekonomikoari laguntzen dio.
Neurokirurgiako berrikuntzaren liderra
Arlo kirurgikoan berrikuntzaren eta eraldaketa digitalaren alde egindako apustuagatik nabarmendu da NEOS Surgery, eta sektorean erreferentzia gisa sendotu da. Egiten duen lanaren bidez, ETEek enpleguaren sorreran, aurrerapen teknologikoan eta herrialdearen hazkunde ekonomikoan duten garrantzia islatzen da.
Gailu mediko aurreratuen ikerketan, garapenean, diseinuan, ekoizpenean eta merkaturatzean espezializatuta dago enpresa, eta haren jardueraren ardatza garezurreko, bizkarrezurreko eta bihotz eta toraxeko neurokirurgia da. Prozedura kirurgikoen kalitatea eta segurtasuna hobetzeagatik nabarmentzen dira haren produktuak.
Aitorpen horrekin, estatuko enpresa-sarean duen posizioa berretsi du NEOS Surgeryk, eta ETEek ingurune gero eta digitalizatuago eta globalizatuago batean aurrerapen-motor gisa duten funtsezko eginkizuna erakutsi du.
