Valentziako Hortako kultura- eta nekazaritza-ondareak klima-aldaketaren inpaktuaren aurkako erresilientzia sustatzen du

Martxoaren amaieran eta apirilaren hasieran, bilera telematiko batzuk egin ditugu, Valentziako kultura- eta nekazaritza-ondarea klima-aldaketaren inpaktuetatik onik ateratzen laguntzeko tresna batzuk gauzatzera bideratuak.

Bilera horiek bi helburu izan dituzte: batetik, Valentziako hiriko aztergaia aurkeztea eta garatzea, non klima-aldaketarekin, kultura-ondarearekin eta Horta/Albuferarekin erlazionatutako alderdiak baitaude; eta hiriak ezarritako beharrak eta lehentasunak lerrokatzea bazkideek eskaintzen dituzten aplikazio, tresna eta/edo ereduekin.

Kultura-ondareko alorrak arrisku klimatiko eta geologikoetatik babestera bideratua dago ARCH ekimena: hondamen-arriskuen gida bat egingo du, ondare historikoa klima-aldaketetatik eta arrisku naturaletatik leheneratzeko ahalmena ebaluatzeko eta hobetzeko.

Alor horretan, tresnak eta metodologiak diseinatuko dira tokiko agintarientzat eta herritarrentzat eta Espainiako eta nazioarteko aditu-taldeentzat. Zenbait eredu, metodo, tresna eta datu-multzo aurkeztuko dira, erabakiak hartzen laguntzeko.

Diziplina askotako adituen taldean, Europako lau hiri daude (Bratislava, Camerino, Hanburgo eta Valentzia), eta ikertzaileak, ICLEI hiri-sarea eta DIN normalizazio-erakundea.

 

          

Proiektu honek Europar Batasuneko ikerketa eta berrikuntzako H2020 programaren finantziazioa jaso du, 820999 zenbakiko diru-laguntzaren bidez.