Aireontzien eraginkortasun energetikoa hobetzen eta haien ingurumen-inpaktua murrizten duten teknologiak

IRT Saint Exupery konpainia frantsesarekin batera, DEFLECT ekimena lantzen ari gara, zeinak armairu elektrikoetako pisua murriztea baitu helburu, egitura horretan elementu mekanikoak, elektrikoak eta/edo termikoak integratzea ahalbidetuko duen material berritzaile eta funtzioanitz baten bidez.

Funtzionalitateak materialean txertatuz, unitate bakoitzaren muntaketa-kostua murriztu egiten da, eta haren fidagarritasuna hobetzen: pisua % 30 arintzen da aluminiozko erreferentziaren aldean, bidezko kostuarekin, eta azaleko tratamendu kaltegarrien beharra saihesten da.

Sistema aeronautikoen elektrifikazioa

Horrekin batera, sistema aeronautikoak elektrifikatzeko kontrol-unitate elektronikoak (ECU) ikertzen eta garatzen ditugu: etorkizunean, Airbusen hegaldi-probetarako plataforman txertatuko dira, hegaldi errealean baliozkotzeko.

Proposatutako jarduera-sistema berritzaileek hobetu egingo dute aireontziaren eraginkortasuna, murriztu egingo dituzte haren pisua eta fabrikazioko zein mantentzen-lanetako kostuak, eta egoera kritikoetan modu seguruagoan jardutea ere ekarriko dute. Horrez gainera, hegaldi-aginteen jarduera-sistemen kalitatea eta fidagarritasuna handituko dituzte, eta ingurumen-inpaktua gutxitu.