Sektorearen garapen teknologikoari lagunduko diogu, estrategia teknologiko partekatu baten bidez
Bat egin berri dugu Aragoiko Nekazaritza eta Abeltzaintzako Ekoizpen Baliabideen Klusterrarekin (CAMPAG). CAMPAG irabazi-asmorik gabeko enpresa-elkarte bat da. Banakako 44 bazkide eta zortzi bazkide laguntzaile ditu, eta bazkideen arteko lankidetza sustatzen du, I+G+B proiektuak zehazteko. Era berean, zaintza teknologikoaren jarraipena egiten du, enpresen beharrak aztertzeko, eta lankidetzarako laguntzen deialdien bidez horiei irtenbideak ematen saiatzen da.
Klusterreko kudeatzailea den Juan Manuel Castell-en arabera, elkartea erreferentziazkoa da “estatu mailan azterketa-zentro gisa, eta horrek CAMPAGentzat esan nahi du klusterraren gaitasunak nabarmen handitzen dituela, nekazaritzako elikagaien balio-katean presentzia handiagoa duelako eta berrikuntza-alorreko baliabideak gehitzen direlako”.
Nekazaritza- eta abeltzaintza-sektorean gizarte-, ekonomia-, kultura-, teknologia- eta lege-mailan gertatzen ari diren aldaketa sakonak kontuan hartuta, TECNALIAk bat egin du CAMPAGekin, garapen teknologikoaren bidez sektorearen etorkizuneko aukerak hobetzen laguntzeko, lehiakortasun-faktoreei dagokienez.
Estrategia teknologiko partekatua
Elkarrekin landuko ditugu eraldaketa digitalaren, nekazaritza adimendunerako gidatze-metodo automatizatuen, fabrikazio aurreratuaren eta jasangarritasunaren arloko garapen teknologikoak eta berrikuntzak Konfiantzan, lankidetzan eta estrategia teknologiko partekatuan oinarritutako harreman estrategikoko eredu baten bidez, sektorea garatzen lagunduko dugu, gaur egungo eta etorkizuneko beharretara egokituz.
