“Planaren helburua da sektore publikoaren eta pribatuaren arteko loturak sendotzea ikerketan, garapenean eta berrikuntzan”
Asier Rufino, TECNALIA Ventureseko CEOa, Ministroen Kontseiluak onartutako Transferentzia Planeko Adituen Taldeko kide izendatu dute.
Pasa den ekainaren 13an, 10:00etatik 11:20ra, Zientzia eta Berrikuntza Ministerioak onartutako Transferentzia eta Lankidetza Planeko Adituen Taldearen lehen bilera egin zen. Asier Rufino, TECNALIAko Deep Tech Venture Builder den TECNALIA Ventureseko CEOa, talde horretako kide izateko aukeratu dute.
Ikerketa Zientifikoen Kontseilu Goreneko (CSIC) Lehendakaritzako Batzar Aretoan egin zen bileran, Asierrez gain, erakunde publiko zein pribatuetako ordezkari hauek ere parte hartu zuten:
- Teresa Riesgo, Zientzia eta Berrikuntza Ministerioko Berrikuntzako idazkari nagusia
- Raquel Yotti, Zientzia eta Berrikuntza Ministerioko Ikerketako idazkari nagusia
- José Manuel Pingarrón, Zientzia eta Berrikuntza Ministerioko Unibertsitateetako idazkari nagusia
- Ana Castro, CSIC
- Elena Castro, CSIC-INGENIO
- Francisco Marín, FEI/Conexo Ventures
- Judith Saladrigas, DWC-RCD
- Xavier Ferrás, ESADE
- José Manuel López Nicolás, Murtziako Unibertsitatea
- Claudio Feijoo, Madrilgo Unibertsitate Politeknikoa
- Laura Olcina, ITI/FEDIT
- Silvia Lazcano, aholkulari independentea
- José Guimón, Madrilgo Unibertsitate Autonomoa
- Catalina Martínez, CSIC
Transferentzia eta Lankidetza Planeko Adituen Taldearen helburuak
Ministroen Kontseiluak “Transferentzia eta Lankidetza Plana: zientzia gizartearen zerbitzura” onartu zuen 2022ko abenduaren 20an. Haren gobernantza eta segimendua egiteko, sektore publikoko eta pribatuko ordezkariek osatutako adituen talde bat eratu behar da, neurriak ebaluatzen laguntzeko.
Adituen talde hori Espainiako Zientzia, Teknologia eta Berrikuntza Estrategiako (2021-2027)batzordeen eta Ikerketa Zientifiko eta Teknikoaren eta Berrikuntzaren Estatuko Planaren babespean prestatuko da. Ebaluatzaile independenteen laguntza izango du, beharrezkotzat jotzen diren kanpo-azterketa eta -ebaluazioko azterlanak egiteko.
Planaren helburua da sektore publikoaren eta pribatuaren arteko loturak sendotzea ikerketan, garapenean eta berrikuntzan, inbertsio publikoaren eragin sozioekonomikoa areagotzea eta gure enpresetan berritzeko gaitasuna sustatzea.
