TECNALIAren ardura izan da egitura horietako loturak kualifikatzea, gauzatzea eta baliozkotzea, soldadurako eta soldadura gogorreko 40 prozedura aurrera aterata.
AVS-TECNALIAk Fusion for Energyren konfiantza izan du MITICA sistemaren osagaiak garatzeko
AVSrekin batera, MITICA sistemaren hiru osagaietako bi fabrikatu, baliozkotu eta entregatu ditugu RFX Partzuergoak Paduan (Italia) dituen instalazioetan. MITICA ITER sorta neutroen injektoreen eskala errealeko prototipoa da, eta funtsezkoa da fusio bidez energia sortuko duen erreaktore nuklearraren funtzionamendurako.
TECNALIAren ardura izan da egitura horietako loturak kualifikatzea, gauzatzea eta baliozkotzea. Horretarako, soldadurako eta soldadura gogorreko 40 prozedura baino gehiago kalifikatu dira, azpiosagaietara egokituak. Osagai horietako batzuek material disimilarren milaka lotura dituzte, iristeko zailak diren lekuetan, eta horrek ongi islatzen ditu kalitatearekin dugun konpromisoa eta xehetasun bakoitzean dugun zehaztasun zorrotza.
Fusio-energiaren ikerketa
Ekipo horiek ematea mugarri bat da fusio nuklearra lortzeko bidean, eta, gainera, azpimarratzen du partzuergoak gaitasun handia duela erronka tekniko konplexuei aurre egiteko, eta, hala, fusio-energiaren ikerketan aurrera egiten laguntzen duela.
Fusio nuklearraren helburua da izarren barruan gertatzen diren prozesuak errepikatzea, energia modu jasangarri eta ia agortezinean sortzeko. Teknologia horrek lagundu dezake erregai fosilekiko mendekotasuna murriztu eta klima-aldaketaren aurkako borrokan, eta, aldi berean, energia-hornidura segurua eta eraginkorra bermatzen du etorkizuneko belaunaldientzat.
