“Nazioartean ezagunak diren hizlariak, erakunde publikoak, ikertzaileak, berritzaileak, startupak, inbertitzaileak eta deep tech konpainiak elkartu ziren ekitaldian”
Asier Rufino TECNALIA Ventureseko CEOak jardun zuen topaketaren buru, zeinaren helburua baitzen zubiak eraikitzea Europar Batasuneko eta arabiar herrialdeetako Green Tech berrikuntza-ekosistemen artean.
Joan den ostiralean, otsailaren 4an, "Fostering EU - Arab Countries Innovation in Green Tech: Connecting Minds, Scaling-up strategies and Funding" ekitaldia egin zen Dubaiko Expo 2020ko Espainiaren pabiloian. Dubai Expo 2020ko Espainiaren Pabilioia, Europako Batzordearen Joint Research Centre (JRC), deep tech venture builder, TECNALIA Ventures, London Business School eta Europako Berrikuntza Kontseilua izan ziren ekitaldiaren antolatzaileak, eta helburua zen zubiak eraikitzea Europar Batasuneko eta arabiar herrialdeetako Green Tech berrikuntza-ekosistemen artean.
Rufinok zuzendu zuen saioa, lehen mailako nazioarteko hizlariekin batera.
Ekitaldia formatu hibridoan egin zen, eta hauek izan ziren parte-hartzaileak: Europar Batasuneko eta arabiar herrialdeetako lehen mailako nazioarteko hizlariak, erakunde publikoak, ikertzaileak, berritzaileak, startupak, inbertitzaileak eta deep tech konpainiak. Teknologia berdeek inpaktu positibo esanguratsua izateko aukerez eztabaidatu zen; batez ere, hiri berde eta energetikoki eraginkorrei eta klimara egokitzeari dagokienez.
Ekitaldian, hizlariek hainbat ikuspegi eta esperientzia partekatu zituzten. Asier Rufino ekitaldiaren buruak TECNALIA Ventures TECNALIAren Deep Tech Venture Builder en esperientziaren berri eman zuen “From lab to market” izeneko mahai-inguruan.
Asierrek azaldu zuen berak zuzentzen duen konpainiaren helburu nagusia dela deep tech negozio-aukerak sortzea eta, horretarako, berrikuntza-ekosistema orok dituen hiru eragile kritikoen artean loturak sortzen ahalegintzen dela: lehen mailako ikertzaileak (minds), ekintzaile konprometituak (management) eta inbertitzaile azkarrak (money).
Bideo osoa: EU-Arab Countries Innovation in Green Tech
Ekitaldira joateko edo konektatzeko aukerarik izan ez bazenuen, "Fostering EU - Arab Countries Innovation in Green Tech: ekitaldiaren bideo osoa ikus dezakezu: Connecting Minds, Scaling-up strategies and Funding".
