"TECNALIAn arlo horietan ditugun ezagutzak eskaintzen ditugu, ITI, CTIC eta EURECAT zentro teknologikoekin batera"
Inkestaren emaitzek aukera emango diote sareari gaur egungo egoeraren diagnostikoa egiteko eta lankidetza-ekintzak martxan jartzeko.
AI4ES datuan oinarritutako teknologia gaitzaileen bikaintasun-sare bat da, eta haren asmoa da Espainia mailan erreferente bihurtzea datuen prozesamendua eta analisi adimenduna ahalbidetzen duten teknologia digitalen (hodeiko konputazioa, big dataren analitika eta adimen artifiziala) ikerketa, garapen eta transferentzian.
Datuetan eta adimen artifizialean oinarritutako ekonomia
AI4ESen helburua da datuetan eta adimen artifizialean oinarritutako ekonomia sustatzea Espainian; gaitasunak, emaitzak eta teknologiak transferitzea ekoizpen-sareari, soluzioak eta zerbitzu berritzaileak eskainiz.
Inkesta honek badu erronka bat: datu-ustiapenarekin zerikusia duten teknologien ezarpen-maila identifikatzea (kudeaketa, analitika aurreratua, bistaratzea, etab.). Era berean, gure nahia da parte hartzen duten enpresek detektatzea zer premia eta merkatu-joera dauden estatuaren mailan enpresetan.
Datu-ustiapenari buruzko inkesta
Inkestaren emaitzek aukera emango diote sareari gaur egungo egoeraren diagnostikoa egiteko eta sareko zentroen eta enpresa-sarearen arteko lankidetza-ekintzak martxan jartzeko, AI4ES-en emaitzen transferigarritasun-potentziala hobetzearren.
Sareak datuen heldutasun-egoera errealera egokitu ahal izango du bere jarduera, eta, hala, hobeto lagundu ahal izango du Espainiako datuaren ekonomia garatzen enpresen lehiakortasuna handitzeko, bai orain eta bai etorkizunari begira.
Enpresa guztiei dei egiten diegu parte har dezaten, datu-tratamenduan duten heldutasuna edozein dela ere. Interesa baduzu, inkesta egin dezakezu.
