"Gure elektrizitate- eta mugikortasun-laborategien arteko diziplina anitzeko trebetasunen eta ezagutzaren konbinazioak hobetu egiten du akats konplexuen aurrean erantzuteko gaitasuna”
Parke fotovoltaikoetan instalatutako eguzki-jarraitzaileen motorretan akatsak analizatzen eta prebenitzen ditugu
TECNALIAk akatsak identifikatu eta ebaluatu ditu 50 MW-eko parke fotovoltaiko batean instalatutako eguzki-jarraitzaileen motorretan. Gailu horiei esker, panelak egunean zehar orientazioa doitzeko gai dira, ahalik eta eguzki-argi gehien hartzeko, eta, horrela, energia-sorkuntza optimizatzeko.
Motorrek gaizki funtzionatzen badute, sistemaren efizientzia murrizten da, eta, gainera, arazoari garaiz heltzen ez bazaio, galera ekonomiko handiak eragin ditzake horrek.
Ikuspegi kolaboratibo eta tekniko sakona, mugikortasun-laborategien eta laborategi elektrikoaren bidez
Gure elektrizitate-adituek identifikatu zuten arazoaren jatorria izan zitekeela kontrol elektrikoko sistemaren kontsumoen kalkulu oker bat —sistema horren egitekoa da egurats gorrian dauden eguzki-jarraitzaileen mugimendua erregulatzea—. Hiru etapatan egin zen analisia:
- Mugikortasun-laborategiko saiakuntza-bankada erabiliz, motor elektrikoaren kontsumoa eta indar-parea
ezaugarritu ziren. - Eguzki-jarraitzailearen mugimendu naturalean korrontea erregistratuz, landa-kontsumoko diagnostiko bat egin zen.
- Azkenik, motorren barne-ebaluazioa egin zen, balizko narriadura mekanikoak detektatzeko.
Emaitza tekniko zehatzak
Mugikortasun-laborategiko adituek ezagutza aurreratua dute korronte zuzeneko motorrei buruz. Haien lankidetza funtsezkoa izan zen elektrizitate-kontsumoaren eta indar-parearen ezaugarriak doitasunez zehazteko, askotariko baldintzetan, haize desegokia barne. Saiakuntza horiek erakutsi zuten zehaztutakoa baino korronte handiagoa kontsumitzen zuela motorrak, eta neurtutako indar-parea, berriz, zehaztapen teknikoetan adierazitakoa baino txikiagoa zela.
Ikerketa osatzeko, wattmetroekin neurketak egin genituen in situ, eta benetako kontsumoak erregistratu, eguzki-jarraitzaileen funtzionamendu naturalean zehar.
Epe luzeko emaitzak eta onurak
Ikuspegi integrala bermatzen du TECNALIAren elektrizitate- eta mugikortasun-laborategien arteko diziplina anitzeko trebetasunen eta ezagutzaren konbinazioak. Horrek akats konplexuen aurrean erantzuteko gaitasuna hobetzen du eta bezeroei balio erantsia ematen die, soluzio sendoak eta iraunkorrak ematen baititu.
