"TECNALIAn errealitate hedatuaren (XR) eta robot industrialen arteko konbergentzia berritzaile bat aurkeztu dugu"
Batu zaitez industriako XR-Robot sinbiosira: gizakien eta makinen arteko elkarlana
TECNALIAk errealitate hedatuaren (XR) eta robot industrialen arteko konbergentzia berritzaile bat aurkeztu du, gizakiaren eta makinaren arteko interakzioaren ikuspegi praktiko eta efiziente bat nabarmenduta. Gure erakustaldian, erabiltzaileak, Meta Quest Pro gailu batez hornituta, modu intuitiboan jarduten du elkarlanean UR20 beso robot batekin.
Esperientzia horri esker, erabiltzaileak birtualki delinea dezake leundu beharreko eremua pieza erreal batean, XR gailu horiek ingurune birtualarekin argi eta efizientziaz komunikatzeko dituzten gaitasunak ahalik eta gehiena aprobetxatuta.
XR teknologiaren erabilera estrategikoak, delineazio-lana sinplifikatzeaz gain, erabiltzailearen eta beso robotaren arteko komunikazioa optimizatzen du. Ikuspegi horrek, aurrerapen teknikoa izateaz gain, industria-automatizazioaren efizientziaranzko bide zehatz bat erakusten du.
Gizakiaren eta makinaren arteko elkarlana, errealitate hedatuak indartua, funtsezkoa da etorkizunerako, zeinean doitasunak eta arintasunak erakutsiko baitute bidea makineria industrialarekiko interakzioan.
Erabiltzaile bat UR20 beso robot batekin elkarreragiten Quest gailu baten bidez
TECNALIAko Core Visual taldeak espazio jarraitu gisa jorratzen ditu errealitatea eta birtualtasuna, eta askotariko tresna berritzaileekin konektatzen ditu pertsonak, datuak eta interakzioa. Horretarako, esperientzia handia du image understandingerako Deep Learning tekniketan eta haiek aplikatzen.
Datu idatzi gutxi izatea gainditzeko ikuspegiak aztertzen ditu taldeak, zenbait teknika erabiliz, hala nola Self-supervised Learninga eta datu sintetikoak. Horretaz gain, teknika horiek atzemate-gailu ez-konbentzionaletara hedatu nahi ditu, hala nola 3D, Raman, espektroskopia eta irudi hiperespektrala, RGB irudien gaineko Supervised Learningaren paradigma gainditzeko.
Bideoak erakusten du erabiltzaile batek nola jardun dezakeen UR20 beso robot batekin elkarreragiten Quest gailu baten bidez, zeinak aukera ematen baitu pieza erreal batean leundu beharreko eremua birtualki seinalatzeko. Proiektuak erakusten du zer-nolako abantailak dituen errealitate hedatuak gizakiaren eta makinaren arteko interakziorako, doitasuna eta arintasuna errazten baititu prozesu industrialetan.
