"H2SITE 1.200 enpresa baino gehiagoren artean aukeratu dute, eta hidrogenoa energia garbiaren iturri gisa garraiatzea eta erabiltzea du helburu"
H2SITEk, TECNALIA partaide den deeptech startup-ak, hidrogeno berdean egin duen berrikuntzagatik eta deskarbonizazio industrialarekin duen konpromisoagatik aintzatespena jaso du
Norrskenek egindako The Impact/100 urteko zerrenda ospetsuan eragin globala duten 100 enpresa nagusietako bat da H2SITEenpresa. 1.200 enpresa izendatuen artean hautatu dute, eta horrek agerian jartzen du zeinen eginkizun garrantzitsua ari den betetzen hidrogeno berdearen sustapenean, industria deskarbonizatzeko irtenbide gisa.
Norrskenek egindako zerrendak berrikuntza eta eragin soziala lideratzen ari diren munduko etorkizun handiko enpresak aintzatesten ditu, Breakthrough Energy, Atomico eta Khosla Ventures bazkide garrantzitsuenen laguntzarekin, besteak beste.
Hidrogenoa energia-iturri garbia da, eta funtsezko oinarria da ekonomia jasangarriago baterako trantsizioan. H2SITEn misioa da horren garraioa eta erabilera erraztea, trantsizio global horretan laguntzeko.
"Hasieratik, gure misioa argia izan da: hidrogenoaren garraioa ahalbidetzea etorkizun jasangarri baterako. Zerrenda ospetsu horretan sartzeak berresten du bide zuzenean gaudela, eta hidrogenoa bultzatzen jarraitzeko motibatzen gaitu, eraldaketa global horretarako funtsezko irtenbide gisa", adierazi du Andrés Galnares H2SITEko CEOak.
Aintzatespen globala hidrogeno berderako trantsizioan
Lorpen horrez gain, H2SITEK une nabarmena izan zuen duela gutxi New Yorkeko Klimaren Astean: bere logotipoa Times Squareko Nasdaq Dorre ikonikoan proiektatu zen, energia jasangarriaren eszena globalean gero eta eragin handiagoa izatearen sinbolo.
Lorpen horrek erreferentzia bihurtzen du H2SITE trantsizio energetiko globalean, hidrogeno berdean oinarritutako soluzio berritzaileen garapenean duen lidergoa indartzeko.
